ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
නියමුවන් රහිත ඇමෙරිකානු මුහුදු යාත්රාවක් චීන අත්අඩංගුවේ
සිය මුහුදු තීරය අවට ඔත්තු බැලීමෙන් වළකින ලෙස චීනය ඇමෙරිකා එක්සත් ජනපදයට කියාසිටියි.
මුහුදු පත්ලේ මෙහෙයවන ලද නියමුවන් නොමැති ඇමෙරිකානු යාත්රාවක් මුල්කර ගනිමින් දෙරට අතර උද්ගතව පැවතුන මතගැටුමක් එම ප්රකාශයත් සමඟ තවත් උත්සන්න විය.
පිලිපීන මුහුදු සීමාවෙන් ඔබ්බේ දී චීන නැවක් මගින් නියමුවන් නොමැති ඇමෙරිකානු යාත්රාවක් සිය භාරයට ගැනීමත් සමඟ චීන -ඇමෙරිකානු මතගැටුම ආරම්භ විය.
ඇමෙරිකානු නිරීක්ෂණ නෞකාවක් මගින් එම නියමුවන් නොමැති යාත්රාව යළි ඔවුන් භාරයට ගැනීමට නියමිතව පවතින අවස්ථාවේ එය චීන නැවට හසු වූ බව වාර්තා වෙයි.
මෙම ප්රශ්නය සම්බන්ධයෙන් ට්විටර් පණිවුඩයක් මගින් අදහස් දක්වන ඇමෙරිකානු ජනාධිපති පදවියට තේරී පත්ව සිටින ඩොනල්ඩ් ට්රම්ප්, චීනය ජාත්යන්තර මුහුදේ දී නියමුවන් නොමැති ඇමෙරිකානු යාත්රාව අල්ල ගනිමින් මින්පෙර සිදු නොකළ ආකාරයේ අනපේක්ෂිත පියවරක් ගෙන ඇතැයි පවසයි.
එම සිද්ධිය අතිශයෝක්තියට නැගීම ප්රශ්නය නිරාකරණය කර ගැනීමට ආධාරයක් නොවන බව බේජිං පාලනය පෙන්වා දෙයි.
වසර ගණනාවක් ඇතුළත ඇමෙරිකාව සහ චීනය අතර උද්ගත වූ ඉතා බරපතළ අර්බුදවලින් එකක් ලෙස මෙය සැලකෙයි.
