ප්රංශ අගමැති ධුරය අභ්යන්තර කටයුතු ඇමතිට
ඡායාරූප මූලාශ්රය, Reuters
එළඹෙන වසරේ ප්රංශ ජනාධිපතිවරණය වෙනුවෙන් තරඟ වැදීමේ සූදානමින් ධුරයෙන් ඉවත් වූ මැනුවෙල් වාල්ස් වෙනුවට නව අගමැතිවරයා ලෙස එරට අභ්යන්තර කටයුතු අමාත්ය බර්නාඩ් කැසනෝවා පත් කොට තිබේ.
මැනුවෙල් වාල්ස් සිය ඉල්ලා අස්වීමේ ලිපිය ප්රංශ ජනාධිපති ප්රාන්ශුවා ඕලොන්ද් වෙත භාර දුන්නේ අද (දෙසැ 06 ) දිනයේ දී.
ඒ අනුව එළඹෙන ජුනි මාසයේ ජනාධිපතිවරණය පැවැත්වෙන තුරු බර්නාඩ් කැසනෝවා ප්රංශයේ සමාජවාදී පාලක පක්ෂ රජයේ නායකත්වය ගෙන ක්රියා කරනු ඇත.
ඡායාරූප මූලාශ්රය, EPA
පසුගිය වසරේ පැරිස් නුවරට එල්ල වූ ජිහාඩි ප්රහාර මාලාවෙන් පසු රටේ ආරක්ෂාව පවත්වාගෙන යාම වෙනුවෙන් ප්රමුකත්වය ගෙන ක්රියා කළ බර්නාඩ් කැසනෝවා එවකට අභ්යන්තර කටයුතු අමාත්යවරයා ලෙස කටයුතු කළේය.
අගමැති ධුරයෙන් ඉල්ලා අස්වන මැනුවෙල් වාල්ස් මීළඟ මාසයේ පක්ෂය තුළ පැවැත්වෙන ජනාධිපති අපේක්ෂකයකු තෝරා ගැනීමේ ප්රාථමික නිලවරණයට සහභාගී වීමට නියමිතයි.
කෙසේ වෙතත් පසුගිය සතියේ ප්රංශ ජනාධිපති ප්රාන්ශුවා ඕලෝන්ද් තමන් දෙවනවර ජනාධිපති ධුරය වෙනුවෙන් තරඟ වැදීමට අදහස් නොකරන බව ප්රකාශ කිරීම ජනතාව මවිතයට පත් කළ බව මාධ්ය වාර්තා පෙන්වා දෙයි.
