ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
දූෂිත වායුව දිල්ලියේ පාසැල් වසා දමයි
පරිසරය දූෂිත වායුවෙන් පිරී පැවතීම හේතුවෙන් දිල්ලි නගරයේ සියලුම පාසැල් ඉදිරි දින තුන තුළ වසාදමන බව මහඇමති අරවින්ද් කෙජ්රිවාල් පවසයි.
නව ගොඩනැංවීම් සඳහා ගොඩනැගිලි බිඳහෙලීමද දින පහක කාලයකට තහනම් කර ඇත.
සෙනසුරාදා කෙජ්රිවාල් දිල්ලිනගරය 'ගෑස් ටැංකියකට" සමානකර දැක්වූයේ වසර විස්සකට පසුව පෙනෙන්නට තිබෙන දරුණුතම අපිරිසිදු දුමාර තත්වය පරිසරයේ දකින්නට ලැබීම හේතුවෙනි.
මෙම දුමාරයට හේතුවී ඇත්තේ රථවාහන මගින් නිකුත්කෙරෙන කාබන් වායුව, අවට ඇති ප්රාන්තවල සිදුකෙරෙන වගා බිම් අපද්රවය ගිනිතැබීම් සහ දුප්පත් මිනිසුන් සීතලෙන් මිදීම සඳහා ගිනිමැල දැල්වීම ආදිය බව පැවසේ.
පසුගිය දිනවල පැවති දීවාලි සැමරුම් සඳහා ගිනිකෙළි දැල්වීම හේතුවෙන් වායු දූෂණ තත්වය තවදුරටත් වැඩිවී තිබේ.
