කබ්රාල්ට ඇප;විදෙස් ගමන් තවදුරටත් තහනම්

හිටපු මහ බැංකු අධිපති අජිත් නිවාඩ් කබ්රාල් ශරීර ඇප දෙකක් මත මුදාහැරීමට කොටුව අතිරේක මහේස්ත්‍රාත් හර්ෂණ කැකුණවල අද (ඔක්තෝබර් 26 වැනිදා) නියෝග කළේ ය.

ඔහුට එරෙහිව පනවා ඇති විදේශ ගමන් තහනම නොවැම්බර් මස 24 වනදා දක්වා දීර්ඝ කිරීමට ද අතිරේක මහේස්ත්‍රාත්වරයා විසින් නියෝග කරනු ලැබීය.

අධිකරණය නියෝග කළේ සැකකාර අජිත් නිවාඩ් කබ්රාල් රුපියල් ලක්ෂ 10ක් බැගින්වූ ශරීර ඇප දෙකක් මත මුදාහැරීමට ය.

දකුණු පළාත් හිටපු ආණ්ඩුකාර රංජිත් කීර්ති තෙන්නකෝන් විසින් ඉදිරිපත් කළ පුද්ගලික පැමිණිල්ලක් අද (ඔක්. 26) යළි කැඳවනු ලැබූ අවස්ථාවේ දී එම නියෝගය නිකුත් කෙරුණි.

මෙහිදී සැකකාර අජිත් නිවාඩ් කබ්රාල් වෙනුවෙන් පෙනී සිටි ජනාධිපති නීතිඥ සම්පත් මෙන්ඩිස් අධිකරණයෙන් ඉල්ලා සිටියේ නඩුව ප්‍රතික්ෂේප කරන ලෙස ය. පැමිණිලිකරු මෙම නඩුව ගොනුකර ඇත්තේ සාධාරණ හේතු නොමැතිව බව ද ඔහු කියා සිටියේ ය.

මේ සම්බන්ධයෙන් නොවැම්බර් 24 වැනිදා විරොධතා ගොනුකරන ලෙස අතිරේක මහේස්ත්‍රාත්වරයා දෙපාර්ශවයටම නියෝග කළේ ය.

මහ බැංකු අධිපතිවරයාව සිටිය දී රාජ්‍ය මුදල් අවභාවිතා කළ බවට ඉදිරිපත්ව ඇති පැමිණිල්ලකට අදාළව අජිත් නිවාඩ් කබ්රාල්ට පසුගිය මැයි දෙවැනිදා දක්වා විදෙස් ගමන් තහනම් කරමින් කොළඹ අතිරේක මහේස්ත්‍රාත්වරයා ද මීට පෙර නියෝගයක් නිකුත්කර තිබුණි.

ඒ, සාපරාධී විශ්වාසය කඩ කිරීම, බැංකුකරුවෙකු විසින් කරනු ලබන සාපාරාධී විශ්වාසය කඩ කිරීම, සහ මුදල් වංක ලෙස හා සාවද්‍ය ලෙස පරිහරණය කිරීම මඟින් දණ්ඩනීති සංග්‍රහයට යටතට හා සුරැකුම්පත් හා විනිමය ආඥා පනත යටතට ගැනෙන වැරදි සිදුකළ බවට චෝදනා සයක් ගොනුකරමින් හිටපු ආණ්ඩුකාරවරයෙකු වූ රංජිත් කීර්ති තෙන්නකෝන් අධිකරණයට කළ පැමිණිල්ලට අනුව යි.

චෝදනා මොනවා ද?

හිටපු මහ බැංකු අධිපති අජිත් නිවාඩ් කබ්රාල්ට එරෙහිව එල්ලවී ඇති චෝදනා පහත පරිදි වේ:

මහ බැංකුවේ හිටපු අධිපති අජිත් නිවාඩ් කබ්රාල්ට නඩු කටයුත්තක් අවසන් වනතුරු විදෙස් ගමන් තහනම් කරමින් කොටුව මහේස්ත්‍රාත් අධිකරණය අද නියෝගයක් නිකුත් කළේ ය.

ඒ, මහ බැංකු අධිපතිධුරය දැරූ සමයේ සිදුකළ බව කියන රජයේ මුදල් අවභාවිතා කිරීමේ සිද්ධියක් සම්බන්ධයෙනි.

මෙම නියෝග නිකුත් කළේ පූජ්‍ය තීනියාවල පාලිත හිමියන් ගොනුකළ පුද්ගලික පැමිණිල්ලක් සලකා බැලීමෙන් අනතුරුව ය.

එම පැමිණිල්ලට අනුව ඩොලර් මිලියන 500ක වටිනාකමින් යුත් ස්වෛරී බැඳුම්කරයන් ශ්‍රී ලංකාවේ ආර්ථිකයට පිරිමැසිය නොහැකි සහ අප්‍රතිකාරී හානි ගෙනදෙන පරිදි පැමිණිල්ල විසින් නම නොදන්නා පර්ශවයන් වෙත වාසි සැලසෙන පරිදි ශ්‍රී ලංකා ජනරජයට අයත් මුදලින් 2022 ජනවාරි මස 18 වැනි දින හෝ ඒ ආසන්නයේ දී ගෙවා, ශ්‍රී ලංකා දණ්ඩ නීති සංග්‍රහයේ 388 වැනි වගන්තියේ සාපරාධී විශ්වාසය කඩ කිරීම මඟින් එම පනත යටතේ දඬුවම් ලැබිය හැකි වරදක් සිදුකිරීම.

2006 වසරේ ජූලි මස පළවෙනිදා සිට 2015 වසරේ ජනවාරි මස 8 වැනිදා යන කාලසීමාව තුළ ශ්‍රී ලංකා මහ බැංකුවේ අධිපතිවරයා ලෙස කටයුතු කරමින් අමාත්‍ය මණ්ඩලය හෝ මුදල් මණ්ඩලයේ අනුමැතියකින් තොරව අමෙරිකා එක්සත් ජනපදයේ ඉමාඩි ෂා සුබේරි නැමැත්තාට අමෙරිකානු ඩොලර් මිලියන 6.5ක් ගෙවීමෙන් සාපරාධී වරදක් කර ඇති බවට පැමිණිල්ලෙන් චෝදනා කර තිබුණි.

ශ්‍රී ලංකා මහ බැංකුව විසින් නිකුත් කරනු ලබන භාණ්ඩාගාර බිල්පත් සහ භාණ්ඩාගාර බැඳුම්කර ප්‍රාථමික වෙළෙඳපොලේ විකුණා එමඟින් ශ්‍රී ලංකා ජනරජයට රුපියල් බිලියන 10.04 සිට 10.06 දක්වා පාඩුවක් සිදුකරමින්, සාපරාධී විශ්වාසය කඩ කිරීම මඟින් දණ්ඩනීති සංග්‍රහය යටතට ගැණෙන වැරදි සිදුකිරීම, ශ්‍රී ලංකා දණ්ඩ නීති සංග්‍රහයේ දැක්වෙන බැංකුකරුවෙකු සිදුකරනු ලබන සාපරාධී විශ්වාසය කඩ කිරීම මඟින් එම පනත යටතේ දඬුවම් ලැබිය හැකි වරදක් සිදුකිරීම, ලියාපදිංචි කොටස් සහ සුරැකුම්පත් හා විනිමය ආඥා පනත යටතට ගැණෙන වැරදි සිදුකිරීම.

පැමිණිල්ල සම්බන්ධයෙන් ලබන ජූනි මස 7 වැනිදා අධිකරණය හමුවේ පෙනී සිටින ලෙසට අජිත් නිවාඩ් කබ්රාල්ට සිතාසි ද නිකුත්කර තිබේ.

අජිත් නිවාඩ් කබ්රාල්ගේ විදෙස් ගමන් බලපත්‍රය අධිකරණය වෙත භාරදීමට ද කොටුව මහේස්ත්‍රාත් තිලිණ ගමගේ නියෝග කළේ ය.

ජනාධිපති නීතිඥ විජයදාස රාජපක්ෂ පැමිණිල්ල වෙනුවෙන් අධිකරණය හමුවේ දීර්ඝ ලෙස ඉදිරිපත් කළ කරුණු සලකා බැලීමෙන් අනතුරුව මහේස්ත්‍රාත්වරයා විසින් එම නියෝග නිකුත් කරනු ලැබීය.

මහ බැංකු අධිපතිවරයාව සිටිය දී රාජ්‍ය මුදල් අවභාවිත කළ බවට ඉදිරිපත්ව ඇති පැමිණිල්ලකට අදාලව අජිත් නිවාඩ් කබ්රාල්ට මැයි දෙවැනිදා දක්වා විදෙස් ගමන් තහනම් කරමින් කොළඹ අතිරේක මහේස්ත්‍රාත්වරයා ද මීට පෙර නියෝගයක් නිකුත්කර තිබුණි.

ඒ, සාපරාධී විශ්වාසය කඩ කිරීම, බැංකුකරුවෙකු විසින් කරනු ලබන සාපාරාධී විශ්වාසය කඩ කිරීම, සහ මුදල් වංක ලෙස හා සාවද්‍ය ලෙස පරිහරණය කිරීම මඟින් දණ්ඩනීති සංග්‍රහයට යටතට හා සුරැකුම්පත් හා විනිමය ආඥා පනත යටතට ගැනෙන වැරදි සිදුකළ බවට චෝදනා සයක් ගොණු කරමින්, හිටපු ආණ්ඩුකාරවරයෙකු වූ රංජිත් කීර්ති තෙන්නකෝන් අධිකරණයට කළ පැමිණිල්ලකට අදාලව යි.

ඒ අනුව, හිටපු මහ බැංකු අධිපති අජිත් නිවාඩ් කබ්රාල්ට මැයි මස දෙවැනි දා අධිකරණය හමුවේ පෙනී සිටින ලෙස දන්වා කොළඹ මහේස්ත්‍රාත් අධිකරණය නැවත සිතාසි නිකුත්කර ඇත.

ඒ, ඔහු ඉකුත් හත්වැනිදා මහේස්ත්‍රාත් අධිකරණය විසින් නිකුත් කෙරුණු සිතාසි අනුව අධිකරණය හමුවේ පෙනී නොසිටීම හේතුවෙනි.