ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
ජනාධිපති මෛත්රීපාල සිරිසේනගේ අලුත්ම චෝදනා
ජනාධිපති මෛත්රිපාල සිරිසේන බ්රහස්පතින්දා (පෙබරවාරි 21) පාර්ලිමේන්තුව අමතමින් වත්මන් පාලනයට චෝදනා රැසක් එල්ල කළේය. එම චෝදනා සංක්ෂිප්තව මෙසේය:
- යහපාලන සංකල්පයට අදාළ කරුණු ඇතුළත් කර සකස් කරනු ලැබූ ජනවාරි අට මැතිවරණ ප්රකාශයට අනුව කටයුතු කර නොමැත.
- මැතිවරණ පොරොන්දු ප්රකාරව සිදු කරන ලද 19වන ව්යවස්ථා සංශෝධනය නමැති "සුජාත දරුවා උපතින්ම අංග විකල දරුවෙකු" බවට පත් කර ඇත.
- "මා විසින් බිහි කරන ලද එම සුජාත දරුවා අපචාරයට ලක් කර ඇත."
- 19 වන ව්යවස්ථා සංශෝධනයේ ඇතුළත් "කිසියම් ම දෙයක්" ක්රියාත්මක වී නොමැත.
- ව්යවස්ථා සභාවේ සාමාජිකයන් ලෙස උගතුන්, බුද්ධිමතුන් සහ වෘත්තීයවේදීන් වෙනුවට දේශපාලනඥයන් වැඩි පිරිසක් පත් කර ඇත.
පාතාල නායකයන්, අපරාධකරුවන්
- පළාත් සභා ශක්තිමත් කිරීමට හෝ නිවැරදි කිරීම සඳහා මෙතෙක් කිසිම ආණ්ඩුවක් විසින් පසු විපරමක් සිදු කරනු ලැබ නැත. (පළාත් සභාවලට වෙන්කරනු ලබන මුදලින් 85% ක් වැය වන්නේ නඩත්තුව සඳහා බවත් සංවර්ධනය සඳහා ඉතිරි වන්නේ ඉන් 15%ක් පමණක් බවත් පනාධිපතිවරයා පැවසීය. )
- පළාත් සභා විසුරුවා හැර වසර එකහමාරක් ගත වී ඇති බැවින් නිලධාරීන් දහස් ගණනක් කාර්යභාරයක් හෝ වගකීමක් නොමැතිව සිටිති.
- ස්වාධීන කොමිෂන් සභා සතු කාර්ය සීමා, ප්රතිපත්ති සහ මග පෙන්වීම් මොනවාදැයි පැහැදිලිව සඳහන් කර නොමැත.
- මානව හිමිකම් කොමිසම පෙනී සිටින්නේ පාතාල නායකයන්, අපරාධකරුවන් සහ මත්ද්රව්ය ජාවාරම්කරුවන්ගේ මානව හිමිකම් වෙනුවෙන් ද?
- අධිකරණ විනිශ්චයකාරවරුන් ලෙස යෝජනා කළ 14 දෙනෙකුගේ නම් ව්යවස්ථා සභාව විසින් ප්රතික්ෂේප කර ඇති අතර එසේ කරන්නට මුල් වූ හේතුව කුමක්දැයි මේවන තෙක් ජනාධිපතිවරයාට දැනුම් දී නොමැත.
පොලිස්පතිවරයා
- සියලු අධිකරණයන් හි විනිසුරුවරුන් සහ විනිසුරුවරියන් අපේක්ෂා භංගත්වයට පත් වී ඇත.
- අධිකරණය, පොලිසිය, රාජ්ය සේවය සහ සමාජය මෙන්ම ව්යවස්ථා සභාව ද දේශපාලනීකරණය වී ඇතැයි යන චෝදනාව අද සමාජගත වී ඇත.
- "වැටත් නියරත් ගොයම් කා නම් කාට කියමිද ඒ කතාව?"
- විනිසුරුවරුන් පත් කිරීමේ ක්රියාදාමයේ සාධාරණ සහ විනිවිද භාවයක් නොමැති බවට ජනතාව අතර චෝදනාවක් පවතී.
- නීතිපතිවරයා සහ පොලිස්පතිවරයා පත් කිරීමේදී අනුගමනය කළ ක්රියාදාමය සදාචාර සම්පන්න නොවේ. ("ඒ තනතුරුවලට පත් වූ පුද්ගලයන් පිළිබඳව අද රටේම ප්රශ්න තියෙනවා. විශේෂයෙන්ම පොලිස්පතිවරයා සම්බන්ධයෙන්.")
"දේශපාලන හස්තයක්"
- ව්යවස්ථාදායකය, අධිකරණය සහ විධායකය යන තුන්කට්ටුව ම ව්යවස්ථාදායක සභාව මගින් පාලනය වන තත්වයක් උදා වී ඇත.
- විනිශ්චයකාරවරුන් යෝජනා කිරීමේ දී ඒවා ප්රතික්ෂේප කිරීම සඳහා ව්යවස්ථා සභාව ප්රේෂණය කරගෙන ඇත්තේ කුමන බලයක් ද?
- එවැනි බලයක් ආරෝපණය කර ගැනීමෙන් පෙනී යන්නේ ව්යවස්ථා මණ්ඩලය අත්තනෝමතික ලෙස කටයුතු කරන බව නොවේද? අධිකරණයේ ස්වාධීනත්වයට හානිදායක අන්දමින් ක්රියා කරන බව නොවේද?
- ව්යවස්ථා සභාව දේශපාලන හස්තයක් මගින් හසුරුවන බව පෙනී යයි.
- මා විසින් යෝජනා කරනු ලැබූ විනිසුරුවරුන් පිළිබඳව අගවිනිසුරුවරයා දරන මතය කුමක්දැයි ව්යවස්ථා සභාව මා වෙත එවා ඇති වාර්තාවේ කිසිදු සඳහනක් කර නොමැත.
- ව්යවස්ථා සභාව අද වන තුරු තම ක්රියා පටිපාටිය, නීති රීති සහ ප්රතිපත්ති සකස් කර, ගැසට් පත්රයේ පළ කර, පාර්ලිමේන්තුවට ඉදිරිපත් කර අනුමැතිය ලබා ගෙන නොමැත.
