'ඔයා මේ රටට අයිති නැහැ': සමේ වර්ණය නිසා එක්සත් රාජධානියේදී ආසියානු කාන්තාවක් ලිංගික හිංසනයකට ලක් වෙයි
ඡායාරූප මූලාශ්රය, Matthew Cooper/PA Wire
- Author, එලියට් බෝල් සහ එලීනෝර් ලෝසන්
- Role, වෙස්ට් මිඩ්ලන්ඩ්ස්
කාන්තාවක බරපතළ ලිංගික හිංසනයකට ලක් කිරීමේ සිද්ධියක් "වාර්ගිකත්වය මත සිදු කරන ලද ප්රහාරයක්" ලෙස වෙස්ට් මිඩ්ලන්ඩ් පොලීසිය අනාවරණය කර තිබේ.
ඕල්ඩ්බරිහි ටේම් පාර අසලදී පිරිමින් දෙදෙනෙකු විසින් ඇයට ප්රහාරයක් එල්ල කළ බව වයස අවුරුදු 20 ගණන්වල කාන්තාවක විසින් අඟහරුවාදා [සැප්තැම්බර් 09] බ්රිතාන්ය වේලාවෙන් 08:30ට මඳ වේලාවකට පෙර බටහිර මිඩ්ලන්ඩ්ස් පොලිසියට පැමිණිලි කර තිබේ.
හමුදා ප්රකාශකයෙකුට අනුව, පහරදීම අතරතුර පුද්ගලයින් වර්ගවාදී ප්රකාශයක් කළ බව වාර්තා වන අතර බලධාරීහු එය ඇසින් දුටු සාක්ෂිකරුවන්ට ඉදිරිපත් වන ලෙස ඉල්ලා සිටිති.
ජ්යෙෂ්ඨ පොලිස් අධිකාරී කිම් මැඩිල් මෙසේ පැවසුවේ ය: "වගකිවයුත්තන් හඳුනා ගැනීමට අපි ඇත්තට ම වෙහෙස මහන්සි වී වැඩ කරනවා වගේ ම, සීසීටීවී, අධිකරණ වෛද්ය සහ අනෙකුත් පරීක්ෂණ කෙරෙමින් පවතිනවා."
"මෙම සිදුවීම නිසා ඇති වුණු දැඩි කම්පනය සහ පීඩාව අපිට තේරෙනවා, ඒ වගේ ම වගකිවයුත්තන් හඳුනාගෙන අත්අඩංගුවට ගැනීමට හැකි සෑම පියවරක් ම ගන්නා බවට සහතික කිරීම සඳහා මම අද ඒ ප්රජාවේ සාමාජිකයන් හමුවෙනවා," ඇය වැඩිදුරටත් පැවසුවා ය.
පළමු සැකකරු හිස මුඩු කළ, වැඩුණු සිරුරක් ඇති සුදු ජාතිකයෙකු ලෙස විස්තර කර ඇත. සිද්ධිය වන අවස්ථාවේ ඔහු අඳුරු පැහැති අත් දිග ටීෂර්ට් එකක් සහ අත්වැසුම් පැළඳ සිටි බව වාර්තා වේ.
දෙවන සැකකරු ද සුදු ජාතික පිරිමියෙකු ලෙස විස්තර කර ඇති අතර, ඔහු රිදී පැහැති සිප් එකක් සහිත අළු පැහැති උඩුකය ඇඳුමක් ඇඳ සිට ඇත.
එක්සත් රාජධානියේ සීක් සම්මේලනය පවසන පරිදි, පහරදීම අතරතුර ප්රහාරකයින් කාන්තාවට, 'ඔයා මේ රටට අයිති නැහැ, යනවා යන්න' යැයි පැවසූ බව පවසති.
උණුසුම් පුවත්, විශ්ලේෂණ සහ විශේෂ විශේෂාංග ඔබේ දුරකතනය වෙත ඍජුව ම ලබා ගන්න.
සම්බන්ධ වීමට link එක click කරන්න
End of podcast promotion
එක්සත් රාජධානියේ සීක් සම්මේලනයේ දේශපාලන සබඳතා පිළිබඳ ප්රධාන විධායක නිලධාරී දබින්දර්ජිත් සිං පැවසුවේ, මෙම සිදුවීම "කාර්යබහුල මාර්ගයක මහ දවාලේ" සිදුවූ බවත්, වින්දිතයාට සහ ඇගේ පවුලේ අයට සහයෝගය දක්වන බවත් ය.
"සියලු ම පක්ෂවල දේශපාලනඥයින් කිසිදු ආකාරයක ප්රචණ්ඩකාරී වර්ගවාදී ප්රහාරවලට ඉඩ නොදිය යුතු යි," ඔහු පැවසුවේ ය.
"වර්තමාන වර්ගවාදී දේශපාලන පරිසරය ජනතාවාදය විසින් මෙහෙයවනු ලබන අතර දක්ෂිණාංශික සහ වර්ගවාදී අදහස් ඇති අයව නිර්ලජ්ජිතව සූරාකන ආගමන විරෝධී තුරුම්පු භාවිත කරන දේශපාලනඥයන් විසින් ඔවුන් නිර්මාණය කරනු ලැබ තිබෙනවා."
"දින දෙකකට වැඩි කාලයක් ගත වෙලා, තරුණ සීක් කාන්තාවකට දරුණු ලෙස පහර දී දූෂණය කරන ලද මෙම බිහිසුණු වර්ගවාදී සහ ලිංගික ප්රහාරය දැඩි ලෙස හෙළා දකිමින්, සියලු පක්ෂවල දේශපාලනඥයින් කතා කරන තෙක් අපි තවමත් බලා ඉන්නවා."
ස්මෙත්වික්හි කම්කරු පක්ෂ මන්ත්රී ගුරින්දර් සිං ජොසාන් X හි මෙසේ පළ කර තිබිණි: "මෙය සැබවින් ම බිහිසුණු ප්රහාරයක්. මම වින්දිතයා සමග ඉන්නවා."
"මම දැන් බරෝ අණදෙන නිලධාරී, ජ්යෙෂ්ඨ පොලිස් අධිකාරී කිම් මැඩිල් එක්ක කතා කළා, සෑන්ඩ්වෙල් පොලිසිය වගකිව යුතු අය අල්ලා ගැනීමට හැකි සෑම දෙයක් ම කරන බව මට සහතික යි."
"මෙම සිදුවීම වෛරී අපරාධයක් ලෙස සලකන්න ඕනේ. ප්රහාරයෙන් කම්පනයට පත්ව සිටින වින්දිතයා සමග පොලිසිය අතිශයින් ම සානුකම්පිතව කටයුතු කරනවා."
"We are grateful for all the CCTV and information that has already been forthcoming from the community."
"ප්රජාවෙන් දැනටමත් ලැබී ඇති සියලු ම CCTV දර්ශන සහ තොරතුරු ගැන අපි කෘතඥ වෙනවා."
