Dr Stella Immanuel hydroxychloroquine video: Physician wey Facebook,Twitter delete her post say she promote drug WHO no support want patients to speak out

Dr. Stella Immanuel, di primary health care physician, wey say she don treat 350 Covid-19 patients wit Hydrochloroquine, don enta social media again to call pipo wey she and her fellow doctors don cure of coronavirus make dem speak out.

Evidence no dey say di drug fit fight di virus, and regulators warn say e fit cause heart problems.

She say, "if you don take hydrochloroquine and you don dey cured time don reach for you to speak up. We put our live, we put our family and our license for danger to treat you." She add say, "we need to let pipo know say real pipo don benefit from dis treatment and real pipo don get cure.

Earlier on Tuesday, Facebook, Twitter Periscope plus oda social media sites bin pull down viral video of Dr Stella wia she claim say she use hydrochloroquine, zinc and antibacterial medicine, Zithromax to treat 350 patients for United States of America.

But for her new tweet, Dr Stella insist say, "if dem allow dis go through, inside 30 days hydrochloroquine go stop Covid."

Wetin be di evidence say Hydroxychloroquine fit treat Covid-19?

Risks of serious side effects from use of hydroxychloroquine, including renal and liver damage also dey.

A study conducted by Oxford University find out say di drug no dey effective against Covid-19 in patients wey dey hospital dey recieve treatment.

How effective Hydroxychloroquine dey wen dem use am early on during treatment na wetin dem still dey study, as e be say dem dey use am as a preventative measure.

Medical trials have so far been inconclusive and the results of larger-scale randomised studies will be needed to know if it's effective or not.

In July, di US Food and Drug Administration warn against di use of Hydroxychloroquine outside any hospital setting because of possible risks to di heart from taking di drug.

Currently, na like dozens of hydroxychloroquine trials dey go on around di world.

Who be Stella Immanuel?

Dr Stella Immanuel na primary health physician for Houston Texas. She dey work for Rehoboth medical centre for Houston Texas.

Inside di part two of di conference video wey trend (YouTube don delete di video afta we write dis tori), Dr Stella say be Cameroon citizen wey train for neighbour kontri Nigeria and she enta America for 1992. She also tok say she don dey US for "30 years".

You fit read oda beta tori dem here: