APC win 20 out of 23 local govment areas for Rivers LG poll - full results and winners
Di All Progressives Congress (APC) don win 20 out of di 23 local govment areas for di state LG poll wey happun on Saturday 30 August.
Ruling party for di state wey be di Peoples Democratic Party (PDP), win just three local govment areas, wey be Port Harcourt, Obio Akpor and Ogba/Egbema/Ndoni.
Dis na di first time in di history of Rivers State since 1999, di APC go dey win 20 out of di 23 LGAs of di state.
Chairman RSIEC Dr. Michael Odey announce di winners of di LG election for di commission headquarters for Port Harcourt.
Di APC also win di councillorship election for 20 of di 23 LGAs while di PDP win di same LGAs for di councillorship poll.
RSIEC Chairman Dr. Odey say dem go present certificate of return to all di winners on Monday 1 September.
Di elections see a veri low turn out of voters as many Rivers State residents boycott di election.
But di election na signal say di state of emergency wey dey declared for di state go dey lifted at di expiration of di six months wey President Tinubu bin give wen e declare am on 18 March 2025.
Dis indication dey come as former Rivers State govnor and Minister of Federal Capital Territory (FCT), Nyesom Wike publicly announce say di suspended Rivers State Govnor, Siminalayi Fubara, and di state House of Assembly go dey reinstated on September 18, 2025.
Wike, wey dey di centre of di political crisis, make di declaration wen e cast im vote for di local govment elections on Saturday 30 August.
Wike say di move na a crucial step to “stabilise di grassroots level.” E praise President Tinubu for making sure say di local govment elections dey conducted, as e dey vital to prevent leadership vacuum.
“If di election no dey conducted, e mean say funds no go come from di federation account to local govment councils,” Wike tok.
Di minister add say as di state of emergency dey set to dey lifted, di reinstatement of di govnor and di state Assembly go complete di restoration of governance for di state.
Breakdown of di winners
Abua/Odual LGA - APC
CHAIRMAN Elect: Ofori Owolobi
Votes: 28755
Vice Chairman Elect: Abunu Victoria
Ahoada East - APC
Chairman elect: Solomon Achoma
Votes: 54,509
Vice Chairman elect: Florence Ndukwu
Ahoada West - APC
Chairman Elect: Eugene Ebele Cheta
Votes: 84125
Vice Chairman elect: Josephine Uba
Akuku Toru: APC
Chairman Elect: Bob Fubarab A.
Votes: 63593
Vice Chairman elect: Wariagbani George
Andoni- APC
Chairman Elect: Prince Lucky Promise Otuo
Votes: 126,181
Vice Chairman elect: Ezekiel Raphael Abigbani
Asari Toru LGA- APC
Chairman Elect: George Onengiyeofori
Votes: 56383
Vice Chairman elect: Deborah Amos Bobmanuel
Bonny LGA - APC
Chairman Elect: Pepple Abinye Blessing
Votes: 30543
Vice Chairman elect: Ibimieye Alagbari
Degema LGA - APC
Chairman Elect: Michael George Williams
Votes: 61536
Vice Chairman elect: Harry Maureen
Eleme LGA - APC
Chairman Elect: Obarilomate Ollor
Votes: 77452
Vice Chairman elect: Beauty Eke
Emohua LGA - APC
Chairman Elect: Lloyd Chidi Julius
Votes: 114308
Vice Chairman Elect: Amadi Lilian Obiageri
Etche LGA - APC
Chairman Elect: Njoku Boniface Chima
Votes: 100649
Vice Chairman elect: Obele Faith
Gokana LGA - APC
Chairman elect: Deborah Confidence
Votes: 96478
Vice Chairman Elect: Kpobari Epsibari
Ikwerre LGA - APC
Chairman Elect: Wobodo Charles
Votes: 62746
Vice chairman elect: Kinika Ethel Chidi
Khana LGA - APC
Chairman elect: Thomas Bariere
Votes: 156027
Vice chairman elect: Ngbere Mpigi
Obio/Akpor LGA - PDP
Chairman elect: Dr. Gift Onyinye Wodo
Votes: 328823
Vice chairman elect: Dr. Mrs. Gloria Joyce Nyeche
Ogba/Egbema/Ndoni - PDP
Chairman Elect: Chukwu Shedrach Ogbodo
Votes: 51051
Vice Chairman elect: Dr. Happiness Nwokocha
Ogu/Bolo LGA- APC
Chairman elect: Vincent Nimieboka
Votes: 36374
Vice chairman: Alabo Eunice
Okrika LGA - APC
Chairman Elect: Akuro Alfred Tobin
Votes: 32285
Vice Chaiman elect: Obulubo Charity
Omuma LGA - APC
Chairman Elect: Obasi Uchechukwu
Votes: 38530
Vice Chairman elect: Achiri Faustina Joy
Opobo/Nkoro LGA - APC
Chairman Elect: James A. James
Votes: 34822
Vice Chairman elect: Jacks Gladys
Oyigbo LGA - APC
Chairman elect: Okechukwu Akarao Nwogu
Votes: 101495
Vice Chairman elect: Okorie Ngozi Juliana
Port Harcourt - PDP
Chairman elect: Sir Allwell Ihunda
Votes: 235054
Vice chairman elect: Tom Quinn Mina Mildred
Tai LGA - APC
Chairman elect: Okwe Mbakpone
Votes: 70080
Vice Chairman elect: Caroline Amawa
'Di LG election dey peaceful'
Wia dis foto come from, RSGH Media
Rivers State Administrator, Vice Admiral (Rtd) Ibok-Ete Ekwe Ibas, say e dey satisfied with di peaceful and orderly conduct of Saturday local govment elections, as e signal decisive and positive step toward restoring full democratic governance for di grassroots level.
Vice Admiral Ibas, wey bin monitor di electoral process across several local govment areas, say e dey encouraged by di conduct of voters and election officials, wey create calm and secure atmosphere for di exercise.
Di Sole Administrator monitoring tour include stops at di Emohua Council Secretariat, di Okporowo/Ogbakiri community, Igbu Ogbo village for Ahoada East, and Ogbumnuabali Town for Port Harcourt City Local Govment Area, wia e observe proceedings and interact with citizens.
"I dey veri happy wit wetin I don witness today. Di process dey notably peaceful, from di significant turnout to di orderly conduct of both voters and election officials. I dey confident say at di end of di day, we go get credible set of results wey we all go dey proud of as a state.
"Generally, di situation dey calm and seamless across di state. We never receive any major negative reports, wey be testament to di collective desire for peace and normalcy," e add.
Emphasising di significance of di election, Vice Admiral Ibas stress say di pipo of Rivers State don show dia desire to elect legitimate leadership wey dem go fit identify wit at di local govment level, and add say di successful poll dey in direct alignment wit di primary objective of im mandate to stabilise di state and return am to democracy.
