Nigeria draw wit Algeria and finish top of group

Nigeria Super Falcons play goalless draw wit dia counterpart Algeria for di ongoing Women African Cup of Nations tournament.

Di game really tight as both teams find goal but dem no see, thanks to good job from both goalkeepers and defenders.

During di game Jennifer Echegini of Nigeria bin miss one -on- one chance for di 22nd minute wia she fire shot but e deflect.

For di 28 minute, Chinwendu Ihezuo of Nigeria give beta pass to Francesca Ordega but she miss di ball for goal area.

Again, Esther Okoronkwo collect ball from Algeria player, she pass am to Ajibade but dem bring her down near di box.

Ijamilisu Folashade of Nigeria passs ball to Echegini but she fire am ontop di net. Dat for be goal for Nigeria but no.

Di Super Falcons of Nigeria bin don already qualify for di quarter-finals but dem bin wan beat Algeria to finish strong and top Group B, while Algeria bin also dey tink di same.

Nigeria get six points afta dem win Tunisia and Botswana while Algeria get four points afta dem beat Botswana and play goalless draw wit Tunisia. But both teams don add one more points now.

Tunisia get only one point while Botswana get zero point.

If to say Nigeria win, dem go complete 100 percent group stage win record for di seventh time.

Nigeria go face Zambia for di quarter-finals game for di ongoing Wafcon.

Algeria on di other hand go play di team wey finish second for group C.

SECOND HALF

Nigeria 0 - 0 Algeria

FINAL WHISTLE

90+4mins - Nigeria player dey try get access into Algeria box 18, but di defenders dey return di ball back to midfield.

90+2mins- Di two teams dey find goal wey go seperate dem for dis match but e no show

90’ Four minutes added time.

87’ Algeria collect ball from midfield run go Nigeria area but referee blow offside.

87’ Echegini miss chance for Nigeria after she dribble players from outside di goal area, she fire shot but e go corner of di goal post.

83’ Nigeria still dey try to break di Algerian defence as Ijamilisu strike but Algeria goalkeeper save am.

79’ Ijamilisu Folashade of Nigeria passs ball to Echegini but she fire am ontop di net.

77‘ Double substitution for Nigeria, Chinwendu Ihezuo don comot. Ijamilusi Folashade don enta.

76’ Substitution for Algeria, Melissa Bethi don comot.

74’ Anoda corner kick for Nigeria, Esther Okoronkwo play am Algeria defender head am to corner again but Algeria defenders block am.

71’ Nigeria player clash wi Algeria defender for di goal area, dem don get medical checks match don resume.

69’ Corner kick to Nigeria Francesca play do ball to Echegini wey play di ball to Algeria keeper hand.

67’ Esther Okoronkwo collect ball from Algeria player, she pass am to Ajibade but dem bring her down near di box.

66’ Nigeria dey press Algeria for di last two minute.

60‘ Sibstitution for Algeria Morgan Ikene don comot and Amira Braham don enta.

58’ Echegini of Nigeria dribble players outside do box sotay she enta di box but di shot no enta net.

55’ Rasheedat Ajibade of Nigeria make good run into Algeria area but defenders push her fall. Refree blow corner kick, dem play am but notin come out.

54’ Substitution Onumonu of Nigeria don comot and Esther Okoronkwo don enta.

51’ Francesca Ordega of Nigeria play Super Falcons corner kick, goalkeeper save di ball.

48’ Algeria dey try to break into Nigeria defence but defenders no gree.

46’ Second half don start

FIRST HALF

Nigeria 0-0 Algeria

45+2 Half -Time

45+2 Nigeria make goal attempt from outside di box but e go wide.

45+1 Nigeria dey for Algeria goal area but Algeria defender fall for ground, she dey get medical attention.

45’ Two minutes added time.

45’ Chance for Nigeria but Onumonu miss di chance!

43’ Algeria dey try break Nigeria defence but no way.

40’ So far so two teams dey drag di ball for midfield.

35’ Shukurat Oladipo collect ball from Algeria player leg, she make beta run for di side line pass di ball but Algeria defence block am.

33’ Goal mouth scramble attempt by Algeria, dem dey try put di ball for Nigeria net but defenders dey block am.

32’ Chinwendu Ihezuo of Nigeria bin dey run towards goal but Algeria defence clear di ball.

28’ Chinwendu Ihezuo of Nigeria give beta pass to Francesca Ordega but she miss di ball for goal area.

25’ Chinwendu Ihezuo of Nigeria shot no enter net.

23’ Corner kick to Nigeria but notin come out as dem play am inches away from di net.

22’ Jennifer Echegini of Nigeria miss one -on- chance! She fire shot but e deflect.

20’ Algeria player make attempt near Nigeria area but she play di ball wide.

19’ Jennifer Echegini again! She collect pass from Chinwendu Ihezuo she dribble two players but fall for ground wen she wan play di final shot.

16’ Jennifer Echegini of Nigeria get beta pass she dribble three players but she fire shot wey go ova di bar.

16’ Nigeria get anoda beta ball for Algeria goal area but di goalkeeper save am.

15’ Nigeria striker Chinwendu Ihezuo make beta run on di left flank she pass di ball but defender block am.

12’ For di last two minutes Algeria dey disturb Nigeria goal area.

10’ Nigeria make anoda goal attempt from di corner flank but Algeria goalkeeper save am.

5’ Nigeria get two free kicks wey dem no convert to goal.

2’ Di Super Falcons of Nigeria and Algeria start di match wit energy.

0mins- Match don start ooooooo

Una welcome to di live commentary of Nigeria vs Algeria