South Africa sama Ghana for Wafcon 2025 Group C opener
Wia dis foto come from, BANYANA BANYANA/FACEBOOK
Defending champions South Africa begin dia title challenge for di 2025 Wafcon wit a 2-0 win ova di Black Queens of Ghana.
Two goals for di first half from Linda Motlhalo from di penalty spot (28") and anoda from Jermaine Seoposenwe (34") secure all three points for di Banyana Banyana.
Di Black Queens been start di game bright but dem neva fit to create any clear chance until dem bin give away penalty.
For di second half, Ghana bin play beta wia dem create plenty chance but dem no fit find di net.
Dem hit di crossbar two times wia dem gat 5 shots on target for di whole game; South Africa bin get only 3 shots on target.
Despite di plenty possession by di Black Queens, di Banyana Banyana don hold on to collect all three points for dia first game.
Ghana go dey hope to bounce back for dia game against Mali for Friday 11 July 2025 for di Berkane stadium.
Dem go play dia last group C game v Tanzania three days later for 14 July.
For South Africa, dem go face Tanzania next bifor dem go play wit Mali.
Wia dis foto come from, GHANA WOMEN NATIONAL TEAM/FACEBOOK
Second Half
FULL TIME
Referee don blow whistle for di end of di game. Defending champions South Africa don win 2-0.
Save! Konlan bin save anoda Hilda Magaia shot from one South Africa counter.
93" Nancy Amoh bin strike di ball from 40 yards but di ball go ova di bar
90+1" Time just deuy fly for Ghana to try and even get consolation gaol; Princess Marfo bin fall for ground afta foul from di South Africa player but referee blow foul against Ghana, as di technical team for Ghana bin dey shout
+5 mins
90" Dem bin add 5 minutes to di game
Ghana gatz to try and bounce back for dia next game
89" Defending champions go carry 2-0 put for pocket if di game end dis way.
Ghana now dey try to put long crosses for di South Africa box but dem no fit to use those balls to score
87" Hilda Magaia wey don enta di game now now bin get chance wia she shoot but di ball go wide
Di game don comot Ghana hands at dis point as South Africa don dey protect dia 2-0 lead.
84" South Africa bin dey change two players. lebohang Ramalepe and Cesane Noxolo don dey comot.
83" South Africa bin dey frustrate di black queens now.
South Africa attack for di counter wia dem shoot di ball but keeper Konlan don save am
82" Yeboah don dey find space for di left side of South Africa but dia crosses no dey fit cause goal.
Adubea don shock say dat ball no enta di net; dat na di second time Ghana don hit di crossbar for dis game.
80" CHAAAANCE! Priscilla Adubea don head di ball onto di crossbar again!
Ghana bin dey try to push for one goal but di final ball always don dey lack.
78" Chaaaance! Princess Marfo don turn quick wia she release one shot but goalkeeper Andile Dlamini don save am.
Boakye don play di ball, but South Africa don clear am.
77" Corner for Ghana!
74" Ref don call for cooling break.
Di balck queens bin dey live dangerously for di midfield wit dia passing
Ghana bin dey attack thru Asantewaa, she pass to her teammate but Adubea im header go way off target
71" Banyana Banyana bin dey try to close dia shop wit dia change wey dem make. Dem dey try to keep di ball and prevent Ghana from attacking.
Adubea dey try to affect di game wia she don win freekick for Ghana.
Just like dat South Africa don almost score but Ghana defenders clear di ball.
69" South Africa also bin change one pesin; Amegalang Motau don comot wia Mohlakoana don replace her.
66" Dem replace dem wit Priscilla Adubea, Nancy Amoh and Princess Marfo.
Ghana don change di three players - Wasiima Mohammed, Alice Kusi and Doris Boaduwaa don comot.
65" Ghana don dey prepare to change three players. Boye-Hlorkah bin try to play one shot for di South Africa area but dem block am.
64" Boye-Hlorkah bin cross one ball from di right but South Africa fit clear dia lines, di follow up ball don fly ova di bar
63" CHAAAANCE! Jermaine Seoposenwe don miss ogbinge chance dia. She don do everitin wia she enta di box but her shot go wide off di Ghana posr. Ogbonge miss!
Ghana bin dey try to control di ball na so South Africa dey hit dem for di counter!
62" Motau bin carry di ball enta di Ghana area wia she cross di ball; Ghana don clear am
60" Dat na di clearest chance for di Ghana team to try to score. Time don dey fly
CHAAAANCE! Alice Kusi bin strike one ball from outside di box but di ball bin crash off di crossbar! Unlucky
Ghana gat one chance wit di cross for di area but di chance don scatta, goalkick to South Africa.
58" Portia Boakye and Wasiima bin dey pass di ball between dem bifor dem release to di right, Asantewaa bin dey hold di ball wia she try to enta di Soputh Africa left side.
57" Game don start again afta di injury break.
Di players go use di chance to drink some water.
55" One Ghana player (Evelyn Badu) don dey ground togeda wit one South African player (Motau).
Ghana dey try again to build again for di back but di ball neva cross di center line.
Di second goalscorer for South Afrixa Jermaine Seoposenwe don dey ground afta tackle from Portia Boakye.
52" Portia Boakye don hit one freekick straight to di goalkeeper Andile Dlamini. Wasted!
51" Alice Kusi bin get chance for di wings wia she try enta di South Africa area but she overhit di ball wia e don comot - goalkick for South Africa.
50" Anaestasia Achiaa don give di ball away for midfield.
48" Di black queens don dey dash di balls for midfield na so dem cause one chance for South Africa but di keeper Konlan don save di shot. Ref bin blow for offside bifor she hit di shot.
47" Alice Kusi don foul her marker for di Ghana area. freekick to South Africa.
Striker Boaduwaa don cause anoda foul for di Black queens. Dia coach don dey shout for di touchline
46" Second half don start. Ghana try to go straight to di South Africa area but di chance don spoil
First half
Wia dis foto come from, BANYANA BANYANA/FACEBOOK
HALF TIME
Referee don blow whistle for halftime. Ghana go hope to return for di second half to try and score goals; na so di defending champions South Africa go hope to protect dia 2-0 lead.
45+4" Boaduwaa try to reach aboda ball inside di South Africa area but keeper don comot to collect di ball.
45+3" Comfort Yeboah don hold di ball well to beat her marker but her long pass don go straight to one South African shirt.
45+2" Di momentum for di black queens don slow afta di second South Africa goal.
Boaduwaa don foul her marker inside di South Africa box. Freekick to di Banyana Banyana
+5 mins Ref don add five minutes to di first half.
45" South Africa now dey try to pass di ball to slow di game as di half time don con dey reach
43" Offside! One chance for Ghana; di cross from di right side enta di ball but di Ghana player wey arive inside di box hit di ball ova di top.
Di corner don spoil wit South Africa trying to attack di black queens
42" CHAAAANCE! For di black queens, as Grace Asantewaa bin shoot from distance wia di keeper Dlamini bin punch for corner.
For di last two minutes dem bin play two balls ova di top for di Ghana striker but she no fit reach di ball, goalkeeper Andile Dlamini clear am.
40" Di Ghana striker Boaduwaa bin cross one ball into di box but South Africa don clear di daanger
39" South Africa bin dey try to lift one long ball ova di top but ghana don clear am.
Ghana try to enta di South Africa area but di ball neva fit trouble South Africa.
36" Ghana go hope di first half go end quick make dem breathe sake of Banyana Bnyana bin dey find spaces for dia defense.
South Africa bin score dia second goal. Jermaine Seoposenwe score from one low pass into di box. 2-0
33" GOOOAAAALL!
Di black queens wey bin dey bright for di first half of di game, don collect one gaol.
Game don restart.
31" Cooling break now
29" Linda Motlhalo di number 10 player don score di penalty 1-0 to South Africa
GOAAAAALLLL
PENALTY to South Africa afta referee check di VAR. Asantewaa Grace na di player wey cause di foul
26" Referee don run to di VAR monitor to check di foul on Noxolo Cesane
Game don restart afta di cooling break.
25" Ref don blwo for cooling break afta South Africa try to win penalty. Cesane don fall for ground inside di penalty box, but di ref wave am away
23" Doris Boaduwaa don get one ball wey she try to shoot from long range but South Africa keeper Andile Dlamini don catch di ball.
Di game don balance now. Di defending champions South Africa no get any real chances so far, na so Ghana also bin dey try to pass di ball around.
22" South Africa bin dey try enta di Ghana area but Ghana captain Portia Boakye bin clear di ball.
Afta some good work on top di ball, Ghana try to enta di South Africa area but di striker bin enta di offside area na so she refuse to collect di ball.
20" Freekick for South Africa in front of di center circle but dem bin give di ball away.
19" Pressure bin dey on top di Banyana Banyana for di last two minutes but di final ball don dey lack.
Dem play di corner for di first pole again, dis time di ball don comot di park for goalkick to South Africa
18" Anoda corner afta South Africa bin clear di ball from dia near post.
17" Ghana bin get corner afta one long ball from outside di box bin dey enta di net bifor Andile Dlamini carry fingertip clear di ball.
Di game don become physical as player bin dey push each oda for di middle of di park.
15" Anoda foul against Noxolo Cesane. Referee blow whistle again.
14" Karabo Dhlamini collect one ball from Ramalepe wia she carry enta di box but Ghana don clear her cutback
Evelyn Badu bin sidon for ground as di medical team don enta di park. Afta treatment she don get up wia referee kontinu di game
13" Di corner don spoil wey Ghana begin to attack for di left hand side, but Badu don fall for ground.
12" Dem bin pass di ball from di back bifor on elong ball to Dhlamini; im play di ball to Sesane but Ghana bin clear di ball for corner.
Anoda foul for Suth Africa inside dia own area.
11" Yellow card for Doris Boaduwaa; di striker don step on top di foot of her opponent as she try to dribble for di South Africa left hand side.
10" Comfort Yeboah bin dey try to pass di ball to her teammate but e don comot for throw.
8" Di Banyana Banyana win goalkick wia dem try to build for di back back referee whistle for foul for di all-yellow team.
7" Referee don allow Karabo Dhlamini enta di park afta she receive treatment for di sidelines.
6" Di game don retsrat wit Ghana trying again to throw di ball into di South Africa area but refree whistle for foul
5" One South Africa player Karabo Dhlamini don hurt; referee don blwo whistle
3" Ghana try to go behind di South Africa defense but di final ball don dey lack.
1" Game don start wit both teams trying to control di ball
Referee don blow whistle for game to start
Ghana bin dey wear dia all white jersey wit South Africa for dia traditional all yellow jersey.
Wia dis foto come from, GHANA WOMEN NATIONAL TEAMS/BANYANA BANYANA/FACEBOOK
Coaches for di black queens and di banyanya banyana don release lineup for dia 2025 Wafcon Group C opener.
Ghana: Konlan (GK); Portia Boakye, Susan Duah, Comfort Yeboah, Anasthesia Achiaa, Grace Asantewaa, Evelyn Badu, Chantelle Boye-Hlorkah, Wasiima Mohammed, Alice Kusi, Doris Boaduwaa
South Africa: Andile Dlamini (GK); Karabo Dhlamini, Tiisetso Makhubela, Bambanani Mbane, Fikile Magama, Refiloe Jane, Amegalang Motau, Linda Motlhalo, Noxolo Cesane, Lebohang Ramalepe, Jermaine Seoposenwe
Di match go begin at 4PM GMT, players already bin dey warm up on top di pitch...
Background
Di Black Queens of Ghana go begin dia 2025 Women Africa cup of nations (Wafcon) on Monday at 4:00pm GMT wit defending champions Bayana Bayana from South Africa.
Di group C match go happun for di Honor stadium for Morocco.
Sabi pipo believe say di Bayana Bayana na favourites for dis game; as dem be only one of three kontris to win di competition aside Nigeria (9) and Equatorial Guinea (2).
Di South Africa team dey fine form wit 7 wins from 7 games for 2025, wey Ghana get only 2 wins from 7 games (4D, 1D).
Ghana wey neva win di championship, dey di same group C wit Mali and Tanzania.
Dem lose for 3 finals (1998, 2002 and 2006) all against Nigeria, wia dem also no feature for di last tournament, di first time in four competitions.
Wia dis foto come from, GHANA WOMEN NATIONAL TEAMS/FACEBOOK
Wetin di coaches tok ahead of di game
Ghana new head coach Kim Lars Bjorkegren believe say di black Queens need to believe for dia vision for di competition and try to win di game.
"We sabi say we be underdog for dis game, but we need di quality inside dis team to beat anybody for here," oga Kim tok for pre-match press conference.
Im gree say dem no prepare ahead of di tournament well sake of limited training sessions and only friendly matches.
Some pipo bin wonder if age of di squad go affect dia performance for di tournament, coach Kim no tink so.
"We no go win or lose sake of age; di best players go dey di park wia we dey hope say di best team go win."
Bayana Bayana coach Desiree Ellis dey confident say all her players dey focused to defend dia title.
Sabi pipo fear say di players no go dey di correct frame of mind for dis game afta dem bin protest for Morocco ova non payment of dia bonus from previous camps.
But dia coach Ellis tok say dem bin solve all dia issues.
"Di mood for camp na good one, we dey focused for di job against Ghana."
Ellis tok say "even though Ghana miss di last tournament for 2022, dem bin come back strong dis year wit dia new coach; we get to beat dem and win our first game."
Wia dis foto come from, BANYANA BANYANA/FACEBOOK
Head-to-head
South Africa and Ghana bin face each oda last for dis Wafcon for 2016 wia di black queens win am 1-0 to finish third.
For dia last 5 games, South Africa don win 4 times wia Ghana win only once (di 2016 3rd place game).
For 8 officials games dis year, Ghana bin win only 3 (1-0 v Senegal, 3-1 v Malawi and 4-2 v Benin).
South Africa bin win all dia 7 games dis year.
Bayana Bayana dey rank 54th for di world and 2nd for Africa; Black queens dey 66th for di world and 6th for Africa.
Ghana go dey hope dia key players - Princess Marfo, Portia Boakye, Doris Boaduwaa and Evelyn Badu go carry di team get di three points from Bayana Bayana.
But dem get to also challenge star players Refiloe Jane, Linda Motlhalo and Jermaine Seoposenwe.
Di game go happun at 4PM GM (5PM WAT). Follow dis page for di live text commentary for di Honor stadium inside Morocco.
