Queen Elizabeth II go miss Friday event of her Platinum Jubilee

Platinum Jubilee: Queen Elizabeth II go miss Friday celebration

2 June 2022

Queen Elizabeth II go miss Friday celebration of her Platinum Jubilee.

Buckingham Palace confam dis development for statement.

Di Queen greatly enjoy Thursday birthday parade and flypast but she experience some discomfort, di palace tok inside statement.

"Taking into account di journey and activity wey dey required to participate inside Friday National Service of Thanksgiving at St Paul’s Cathedral, Her Majesty with great reluctance don conclude say no go attend." E add.

Di Queen dey looking forward to participating for Thursday night beacon lighting event for Windsor Castle.

"And she go like to thank all those wey make Thursday such a memorable occasion."

Celebration pictures of Queen Elizabeth II Platinum Jubilee

Platinum Jubilee of Queen Elizabeth II celebration pictures — Wetin we call dis foto, Crowd of pipo boku for Buckingham Palace

Activities to mark di Platinum Jubilee of Queen Elizabeth II don enta full swing.

Millions of pipo gather for street parties to mark 70 years on di throne over di four-day bank holiday period.

Skip Di one wey oda users dey read well well and continue reading

Di one wey oda users dey read well well

End of Di one wey oda users dey read well well

Dis special event for Buckingham Palace mean say di Queen don break record as di longest reigning monarch for United Kingdom.

Di Royal Family appear together again for di balcony on Thursday.

Di last time dem appear on di balcony na for 2019 - wit Prince Harry, im wife Meghan and Prince Andrew.

Dis year all di members of di Royal family dey to follow for di celebration.

Türkiye na Turkey new name as Swaziland be e-Swatini

BBC Pidgin capture some of di moments for fotos;

Wetin we call dis foto, Di Red Arrows roar over as di Queen watched wit big smile on her face

Wetin we call dis foto, Di Prince of Wales don take di final birthday salute on behalf of di Queen for Horse Guards Parade.

Wetin we call dis foto, Prince Charles dey inspect Trooping di Colour

World leaders praise Queen devotion to service

US President Joe Biden join world leaders to congratulate Queen Elizabeth as she reach her Platinum Jubilee.

Biden and im wife, First Lady Jill, say di Queen don inspire pipo for 70 years and dey important to support di relationship between di US and UK.

"Joe and I dey touched by di generosity and welcome wey you show to us when we visit you for Windsor Castle last year," Mr Biden add.

Skip X post, 1

Allow X content?

Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

Warning: Di BBC no dey responsible for di content of external sites.

End of X post, 1