عبدالله ستانکزى له کابله

	په بريد کې ځانمرگي له يو کرولا ډوله موټر څخه گټه اخيستې او هوايي ډگر ته څېرمه د ناټو ځواکونو له کتار سره يې جنگولى دى.

دغه پيښه د کابل هوايي ډگره ته پر غځيدلي سړک هغه مهال وشوه چې د ناټو د ځواکونو يو کاروان له سيمې څخه تېرېده.

دافغانستان د کورنيو چارو وزارت چارواکو په دغه پېښه کې د شپږ تنو د مړينې او د ١٥تنو نورو د ټپي کېدو خبره وکړه او وېويل چې د ناټوځواکونو ته پکې زيان نه دى اووښتى.

خو هغو کسانو چې پيښه ليدلې ده وايي چې په ژوبل شويو کسانو کې بهرنيان هم شامل وو.تراوسه پورې ددغې پېښې پړه چا په غاړه نه ده اخيستې:

دغه ځانمرگى بريد سهار اته بجې هغه وخت رامنځته شو چې د ناټو ځواکونو کتار له عمومي واټ څخه د کابل د هوايي ډگر پر لور روان شو.

دغه سړک چې زياتره يې ناټو ځواکونه او د امريکا د سفارت کارکونکي کاروي دا ډول پېښې رامنځته کيدل نوې خبره نه ده او زياتره په نښه شوي کسان پکې بهرنيان وي.

په بريد کې ځانمرگي له يو کرولا ډوله موټر څخه گټه اخيستې او هوايي ډگر ته څېرمه د ناټو ځواکونو له کتار سره يې جنگولى دى.

د افغانستان د کورنيو چارو وزارت مرستيال منيرمنگل وايي د بريد اصلي قربانيان ولسي خلک و.

افغان امنيتي چارواکي په دغه بريد کې د بهرنيو ځواکونو مرگ ژوبله نه مني خو عيني شاهدان بيا په پېښه کې د بهرنيانو د مرگ ژوبلې خبره هم کوي:

په دې وروستيو مياشتو کې د کابل امنيتي حالت په پرتليز ډول ارامه ښکاري چې د کورنيو چارو وزارت يې د امنيتي کسانو پياوړتيا بولي.

خو له بلې خوا طالبانو دډيرو بريدونو گواښ کړى دى چې ملکي خلک يې په يو لړ امنيتي انديښنو کې اچولي دي .