بي بي سي نيوز له بغداده

	سيمه ييز شنونکي فکر کوي چې دغه بريد په اماره کې د شيعه ډلو ترمنځ د خپلمنځي تاوتريخوالي پايله ده.

پوليس وايي چې په درې واړه چاودنې پر سيمه ييز وخت نژدې ١١ بجې وشوې .

دوه لومړنۍ چاودنې د گاډو دگڼې گوڼې په يو تم ځي کې وشوې چې وزگار خلک د کار د موندلو په تمه په کې ولاړ وو.

دريمه چاودنه هغه مهال وشوه چې خلک د لومړنيو چاودنو په ځاى کې راټول شول.

ډيرى خلک په دريمه چاودنه کې ووژل شول ، تر اوسه پورې کومې ډلې يا گوند ددې بريد پړه په غاړه نه ده اخيستې .

په بغداد کې د بي بي سي يو خبريال وايي چې دغه ډول بريدونه په دوديز ډول ډير لږ تر سره کيږي.

د اماره ښار له بغداد څخه نژدې ٣٠٠ کيلومټره ليرې د ميثان په ولايت کې پروت دى .
ددې سيمې ډيرى اوسيدونکي شيعه گان دي خو دلته د شيعه ډلو ترمنځ خپلمنځي نښتې هم کيږي.

د امارې دغه بريد په عراق کې د لويو بريدونو په کتار کې راځي .

سيمه ييز شنونکي فکر کوي چې دغه بريد په اماره کې د شيعه ډلو ترمنځ د خپلمنځي تاوتريخوالي پايله ده.