پر کاروبارونو د کورونا وېروس اغېز: عکسونه

د نړۍ په بېلابېلو برخو کې له هوا د سټلايټ له لارې اخيستل شويو عکسونو ښکاري چې د کورونا وېروس د سفر او ګرځندوی پر صنعت څومره اغېز شيندلی دی.

ایران کې د کورونا وېروس زرګونه مثبتې پېښې ثبت شوې دي، د وېروس د خپروېدو له وېرې په مشهد کې د امام رضا مزار هم تړل شوی دی.

د امریکا په سالټ لېک هوايي اډه کې ډېرې لږ الوتکې تر سترګو کېږي.

فونېکس هوايي اډه کې د کرايي موټرو کاروبار په ټپه ولاړ دی. په دې تصوير کې يې د پخوا پرتله توپير جوت څرګندېږي.

د امرکا ورمونټ کې د موټرو تمځای خالي دی ځکه دلته سيلانيان نه ځي. په دې سيمه کې له ۵۰ زياتو کسانو پر راټولېدو بنديز لګېدلی. راسټورانټونو کې خلک ډوډۍ نشي خوړلی، يوازې کورونو ته د وړلو اجازه شته.

ټول عکسونه د MAXAR دي۔