امریکا: ایران سره له شرط پرته خبرو ته چمتو یو

د امریکا د بهرنیو چارو وزیر مایک پامپیو چې د امریکا له متحدینو سره د خبرو لپاره خلیج هېوادو ته روان شوی، پر ایران یې د نویو بندیزونو لګولو خبرداری ورکړی.

هغه چې سعودي او متحده عربي اماراتو ته له سفر مخکې خبرې کولې، خبریالانو ته ویلي، د نویو بندیزونو لګولو هدف"سیمه کې فعالیتونو دوام لپاره لازمو سرچینو ته د ایران د لاسرسي مخنیوی" دی.

د امریکا د بهرنیو چارو وزیر همداراز ایران سره له شرط پرته د خبرو لپاره چمتوالی په ډاګه کړ.

هغه وویل، که ایرانیان مذاکره غواړي "دقیقا پوهیږي چې موږ چېرې موندلی شي."

د ایتیوپیا د پوځ مشر د خپل ساتونکي په ډزو ووژل شو

امریکا 'د ایران سپاه د وسلو پر سیستم سایبري برید پیل کړی'

ټرمپ: د جګړې په صورت کې به ایران 'له منځه لاړ شي'

نوموړي زیاته کړې چې "ډاډه یم که هغوی زموږ سره واقعي چلند ته چمتو وي، موږ به د داسې مذاکرې لپاره چمتو یو."

د امریکا ولسمشر ډنالډ ټرامپ چې دوه ورځې وړاندې یې امریکايي ان بي سي ټلویزیوني شبکې سره مرکه خپره شوې، له ایران سره د خبرو لپاره د خپل هېواد چمتوالي په اړه خبرې کړې.

د بهرنیو چارو وزیر مایک پامپیو هم ویلي چې عربستان او متحده عربي اماراتو ته یې د سفر موخه "له ایران سره د مقابلې لپاره د نړیوالې ټلوالې رامنځ ته کولو په موخه د امرکیا له دې دوه متحدینو سره همغږي" ده.

دا څرګندونې دوه ورځې وروسته له هغې کیږي چې د ایران لخوا د یوې امریکايي بې پیلوټه الوتکې له غورځولو وروسته د امریکا ولسمشر ډونلډ ټرمپ په ایران کې پر ځانګړو هدفونو د برید امر کړی و خو شیبې وروسته یې بېرته خپل امر لغو کړ.

د امریکا د ملي امنیت مشاور جان بولټن چې اسراییلو ته تللی، په همدې اړه ایران ته خبرداری ورکړی چې د امریکا "ستراتیژیک فکر او احتیاط" ته دې د کمزورۍ ګمان نه کوي.

د امریکا متحدو ایالتونو ولسمشر ډونلډ ټرمپ وړاندې ویلي، جګړه نه غواړي، خو ایران ته یې خبرداری ورکړی چې د جګړې په صورت کې به له 'محو ' کېدو سره مخامخ شي.

له این بي سي خبري شبکې سره د جمعې پر ورځ خبرو کې نوموړي وویل، امریکایان خبرو ته چمتو دي، خو په خبره یې ایران ته به د اتومي وسلو چمتو کولو اجازه ور نه کړي.

نوموړي خپله هغه وروستۍ پرېکړه هم مناسبه وبلله چې هرمز تنګي کې یې د امریکايي څارګرې ډرون له غورځېدو وروسته د هوايي بریدونو په تړاو بېرته اخیستې وه.