ټرمپ روحاني ته: هېڅکله امریکا مه ګواښه، امریکا یې نه شي زغملی
د عکس سرچینه، Getty Images
د امریکا ولسمشر ډونلډ ټرمپ د ایران د ولسمشر روحاني هغو څرګندونو ته چې "ټرمپ دې د زمري له لکۍ سره لوبې نه کوي" توند غبرګون کې ویلي، ایران باید امریکا ونه ګواښي؛ ځکه امریکا یې نه شي زغملی.
د امریکا ولسمشر ډونلډ ټرمپ ایران ته خبرداری ورکړی که امریکا متحدو ایالتونو ته ګواښ پېښ کړي نو داسې پایلې به تر لاسه کړي چې ډېرو لږو د تاریخ په اوږدو کې ليدلې وي.
ولسمشر ټرمپ د ایران ولسمشر حسن روحانه ته په ټویټر په پیغام کې دغه راز ویلي چې امریکا به هغه څه ونه زغمي چې ده د ایران له خوا د زور او مرګ لېونۍ خبرې بللې.
د ایران ولسمشر ټرمپ ته په يوه ګواښ کې ویلي و چې "د زمري له لکۍ سره دې لوبې نه کوي".
ښاغلي ټرمپ د خپل ټویټ توري په لویه بڼه لیکلي، چې خپل ټینګار وښيي.
روحاني امریکا ته په اشارې ویلي، سپینه ماڼۍ "په هغه کچه نه ده چې د نړیوالو قوانینو، د اسلامي نړۍ او فلسطیني ولس مخالفت وکړي."
روحاني د ایران د تېلو صادرولو د بندولو په اړه وویل: "موږ شرفداره خلک یو او د تاریخ اوږدو کې مو د سمندري تګ راتګ چاره خوندي ساتلې ده."
د ښاغلي ټرمپ له ټویټ څو ساعته وړاندې د امریکا د بهرنیو چارو وزیر مایک پومپیو ځینو امریکا مېشتو ایرانیانو ته وینا کې د ایران پر حکومت ټینګه نیوکه کړې وه:
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
"موږ د ایران له حکومت سره خبرو ته حاضر یو، خو د امریکا فشار یوازې هغه وخت کمېدای شي چې موږ د ایران سیاست کې ثابت او دوامداره میلان ووینو."
ده دا هم ویلي چې: "د حکومت د فساد کچې او شتمنۍ ښودلې چې ایران د یوې مافیا له خوا اداره کېږي".
دا څرګندونې وروسته تر هغه مخې ته راغلې چې د ایران ولسمشر حسن روحاني پر امریکا تور ولګاوه، چې د ایران پوپنا کول او تجزیه کول یې د سیاست اصلي برخه ده او ډونلډ ټرمپ ته یې په دې اړه خبرداری ورکړ.
د عکس سرچینه، Getty Images
ښاغلي روحاني له ایران سره سوله د "سولې مور" وبلله او له ایران سره جګړه یې د "جګړو مور" وبلله او ویې ویل چې هېواد یې نه غواړي وګواښل شي.
