د فلسطینۍ نرسې رزان النجار وژل که "د اسراییلو جرم"
د عکس سرچینه، وزارة الصحة في غزة
په غزه کې چارواکي وايي، اسراييلي پوځ خان یونس کې داسې مهال پر نرسانو برید کړی، چې هغوی د نرسانو جامې اغوستې وې او لاسونه یې پورته نیولي وو چې ګني دوی کوم خطر نه پېښوي.
د فلسطین روغتیا وزارت غزه تړانګه کې اسراییل د فلسطینۍ نرسې رزان اشرف النجار په قصدي وژلو تورن کړي.
۲۱ کلنه رزان خان یونس کې هغه مهال ساه ورکړه، چې له اسراییلو سره یې د تړانګې پر پوله د "ستنېدو لویو لاریونونو" لسمه اونۍ د ټپیانو درملنه کوله او اسراییلي پوځیانو ډزې پرې وکړې او په سینه یې وویشته.
النجار د جمعې ورځې له پاڅونونو راهیسې دویمه قرباني ده.
د تېر مارچ پر ۳۰مه، د لاریونونو له پیلېدا راهیسې د اسراییلي پوځ په ډزو لږترلږه ۱۲۳ فلسطینیان وژل شوي او تر دوو زرو ډېر نور ټپیان دي.
په غزه کې د حماس ډلې د اسراییلي پوځ په ډزو د النجار وژل "د قتل اړوند جرم" بللی. دوی دغه ځوانه نرسره "په بشري ډګر کې یوه مخکښه اتله بلللې ده".
د اسراییلي پوځ له خوا د رزان د وژلو په تړاو کوم غبرګون نه دی ښودل شوی.
"په سینه کې مرمۍ"
د اسراییلو حکومت د فلسطینیانو سوله ییز لاریون د اسراییلو امنیت ته خطر بللی دی.
د عکس سرچینه، إيهاب عمر فسفوس
له تېرو ۱۲ کلونو راهیسې اسراییلو د غزې تړانګه کلابنده کړې چې هلته یې ډېر ناوړه وضعیت رامنځ ته کړی دی.
فلسطیني چارواکي وايي، اسراییلي ځواکونو "مخامخ د رزان پر سینې ډزې کړې او ځینې نور نرسان یې هم ویشتلي دي".
پر خواله رسنیو، په تېره بیا ټویټر عربي نړۍ کې د رزان پر وژنې خواشيني ښودل شوې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
