تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ملګري ملتونه: له میانماره لا هم روهنګیا مسلمانان کډوالېږي
ملګرو ملتونو ویلي، له میانمار څخه و بنګله دېش ته د روهنګیا مسلمانانو د کډوالۍ لړۍ لا هم روانه ده.
بنګله دېش او میانمار تېره میاشت د روهنګیا کډوالو پر بېرته ستنولو سلا وکړه او مهال یې هم وټاکه.
نړیوالو مرستندویو بنسټونو میانمار ته په زوره د روهنګیا مسلمانانو د لېږلو په اړه خبر داری ور کړ او ویې ویل، لومړی باید د هغوی امنیت خوندي شي.
د کډوالو په چارو کې د ملګرو ملتونو د عالي کمېشنرۍ مرستیالې "کیلي ټي کلیمنټس" ویلي، که څه هم له میانماره د روهنګیا مسلمانانو د کډوالولو بهیر کې کمی راغلی، خو اوس هم په نړیواله کچه د کډوالۍ له سختو کړکېچونو ګڼل کېږي.
نوموړې زیاته کړه، د روهنګیا مسلمانانو کلي سوځول شوي، نو ځکه روهنګیایان د بېرته ستنېدو خوندي ځای نه لري.
روان زیږدیز کال کابو ۶۰۰ زره کډوال د میانمار ځواکونو د زور زیاتي له امله بنګله دېش ته کډه شوي دي.
په دې وروستیو کې د ملګرو ملتونو د بشر حقونو عالي کمېشنر په میانمار کې د نسل وژنې د رامنځته کېدو د احتمال خبره وکړه.
د امریکا د بهرنیو چارو وزیر هم د روهنګیا مسلمانانو پر ضد د میانمار پوځ عملیات د قوم پاک کولو په مانا ګڼلي دي.
روهنګیا مسلمانان په میانمار کې ژوند کوي، خو مرکزي دولت ورته تابعیت او نور بنسټیز حقونه نه ور کوي.
