تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
په ایران کې چاودنې ۱۰ کسانو ته مرګ ژوبله واړوله
د ایران په اردبیل ښار کې روغتیايي چارواکي وايي، د چاودنې له امله اووه کسان وژل شوي او درې ټپیان دي.
قدرت اخوان اکبري وايي، په ودانۍ کې د اور اخیستونکو توکو د چاودنې له امله دا پېښه شوې ده.
په اردبیل کې د اوروژنې ادارې مشر هم د دې کسانو مرګ ژوبله منلې ده.
نوموړي دا هم ویلي چې مړي او ټپیان یې ځايي روغتون ته لېږدولي او د پېښې څرنګوالی هم څېړي.
دا پېښه په داسې مهال ده، چې تېره پنجشنبه د ایران امنیتي چارواکو ویلي و چې پولیس د قاچاقي توکو او اور اچونکو موادوو د موندلو ټولیز پلان لري.
