تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
جمهوريپالو له روسیې سره د ټرمپ ملي امنیت سلاکار د اړیکو په اړه پراخه پلټنه غوښتې
د جمهوریپالو ګوند مخکښو غړو ویلي، باید له روسیې سره د د ملي امنیت د مخکیني سلاکار د اړیکو په اړه پراخه پلټنه وشي.
د امریکا د ملي امنیت سلاکار مایکل فلین د تېرې دوشنبې په ورځ د ټرمپ له ولسمشر کېدا وروسته پر روسیې د لګول شویو بندیزونو په تړاو له روسیې سره د هغه د اړیکو په تړاو له خپل مقامه استفعا وکړه.
د سې شنبې په ورځ د سپینې ماڼۍ ویاند وویل، ولسمشر ټرمپ څو اونۍ وړاندې پوهېده چې له روسیې سره د تیلېفوني خبرو په اړه ستونزې شته.
خو د دې مسلې په اړه د خپلواکو څېړنو پیلول د ځینو جګپوړو جمهوریپالو له خوا له یولړ غبرګونونو سره مخامخ شول.
د سپینې ماڼۍ ویاند وايي، ولسمشر ټرمپ ویلي، له روسیې سره د ښاغلي فلین د خبرو د څېړنو پایله کې دغه ګام له قانون سرغړونه نه ګڼل کېږي.
شان سپایسر وايي، ولسمشر "هره ورځ ددې مسلې پر ارزونې بوخت و".
وړاندې ښاغلي ټرمپ ویلي وو، د ښاغلي فلین په اړه پر راپورونو خبر نه و.
ډیموکراټانو د سې شنبې په ورځ وویل، دا مسله باید وڅېړله شي، چې د ټرمپ ټاکنیز تشکیل کې چا ددغو اړیکو امر کړی و. یوه جګپوړي جمهوریپال سناتور ویلي وو، دغه استعفا د روسیې په اړه د ښاغلي ټرمپ د نیت په اړه پوښتنې راپورته کوي.
د سپنې ماڼۍ ویاند وايي، استعفا د "باور د مسلې" له کبله وه، نه د حقوقي مسلو له امله.
په ورته وخت کې، د امریکا نیویارک ټایمز ورځپاڼې د امریکا او روسیې د اړیکو په تړاو یوه مطلب کې لیکلي، چې مسکو په دې وروستیو کې داسې کروز توغندي ځای پر ځای کړي، چې امریکايي چارواکي یې د وسلو د کنترول له تړونه سرغړونه بولي.
د ورځپاڼې په خبره، دا د روسیې یو داسې ګام دی، چې د امریکا د ولسمشر ډونلډ ټرمپ لپاره به یوه مهمه ننګونه وي، ځکه چې هغه له مسکو سره د ښو اړیکو له کبله د مخالفینو تر نیوکو لاندې دی.
ورځپاڼه وايي، دا نوی توغندی چې کله په ازمېښتي پړاو کې و د اوباما ادارې هڅه کوله چې روسان یې له جوړولو تېرېدو ته وهڅوي، خو اوس یې کار بشپړ شوی او د دغو توغندیو یوه بشپړه عملیاتي برخه یې ځای پر ځای کړې ده.
