تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د عکسونو البوم: کوچنیو هوښیارو ژوو د احساساتو عکاسي
د اندونیزیا د یوه عکاس محمد رویم د کوچنیو ژوو انځورونه ډېر هیښوونکي دي.
له نڅېدونکو چونګښو نیولې تر شوخو څرمښکیو پورې ښايي داسې ډېر څه وي چې د ۲۸ کلن محمد رویم کمرې راوړي وي.
محمد رویم روغتیاپال یا نرس دی، له دریو کلونو راهیسې یې عکاسي پیل کړې ده.
دی د باټام ښار استوګن دی او چې وخت پیدا کړي د ځنګلي ژو عکاسي کوي.
هغه بي بي سي ته وویل، 'زه حشرو پسې ګرځم، چې احساسات یې عکاسي کړم، کله له لسو ډېر انځورونه واخلم ،خو یواځې یو تصویر پکې د عواطفو ښودنه کوي. په ځینې ورځو کې ماته ان هیڅ پیدا نه شي'.
محمد رویم وايي ډېر خلک نه پوهېږي یا د یو ژوي ځانګړو برخو ته پام نه کوي، 'زه یې د یوې ځانګړې برخې د انځور اخیستلو هڅه کوم، که د هغه سترګو ته ګورې نو ډېرې عجیبه دي'.
محمد رویم وايي، 'ما پخپله انځور اخیستل زدکړه، خو یو استاد به هم زما په اخیستل شویو انځورونو نظر را کاوه'.
'زه د انځور اخیستلو لپاره تر ډېره په باټام کې ګرځم، خو کله کله د اندونیزیا نورو سیمو ته هم د تللو هڅه کوم'.
هغه ته په خپل بوخت ژوند کې د انځور اخیستلو ډېر لږ وخت پیدا کېږي، خو کله چې انځور اخلي، د هر یو د سمون لپاره یوه اونۍ وخت لګوي.
هغه وايي، یو انځور ته زه نږدې ټوله ورځ ور کوم، خو د تصویر بشپړ تیارولو لکه سمون او بهیر لپاره یې یوه اونۍ پکار وي.وه.
