د عکسونو البوم: د غورځېدونکو ځلاندو ستورو انځورونه

په سلګونو ستوري د برومو غره پر سر- چې د اندونیزیا د جاوا ختیځ کې بل(فعال) اورشیندی دی- اسمان کې ځلېږي.

په اودمهال کې مرکب شوي انځورونه د مالیزیا عکاس ګري چاو اخیستي چې په جنوب ختیزه اسیا کې د شپې انځورونو اخیستلو پسې وتلی و.

د ویجاړې کښتۍ له پاسه د شیدو لار انځور دی، چې چاو خپل ټاټوبي ترنګونو ته په ستنېدلو کې جنوبي چین سمندرګي ته د کتلو په مهال اخیستی دی.

د مالیزیا د کامرون لوړو کې هم شیدو لار د سبزي د پټي پر سر ښکاري.

شیدو لار یو کهکشان دی، چې ځمکه پکې پرته ده. زموږ لمري نظام د کهکشان یو مارپېچي لاس دی، چې له سل میلیارده ستورو جوړ دی او د اوبو د ګرداب په څېر ښکاري.

دا انځور هم د اندونیزیا د کواه ایجن اورشیدونکې ټولګې دی، هغه هم له لمر ختلو لږ مخکې، چې اورشیندي پکې د ګوګړو سوځېدلو له امله د شنې رڼا سیندونه جوړوي.

چاو وايي، کله یې چې اول ځل د شیدو لار لیده، فکر یې کاوه، د یو فلم ځانګړي ایفېکټونه ویني.

"د ریښتونو شیانو انځورونه مې اخیستلی شول، په شپه کې د اسمان ښکلا ډېره حیرانوونکې وه".

دا بل انځور هم په مالیزیا کې د ټیټو ورېځو د پاسه د بورنیو ټاپو له کنیبلو غونډۍ اخیستل شوی دی.

د کنیبلو غونډۍ یوه بل انځور

چاو وايي، د خپلې کمرې وسایلو سره یې پنځه میله یا اته کیلومتره مزل کړی چې پر سمندر له پاسه نږدې دیارلس نیم زره فوټه یا ۴،۰۹۵ کیلومتره څوکې ته وخېږي.