د پاکستان کرېکټ غوره لیګ بولۍ ته ۹ افغان لوبغاړي غوره شول

د پاکستان د (اېچ بي اېل) د کرېکټ غوره لیګ د ۲۰۱۸ کال اتلولیو ته ۵۰۱ کورني او بهرني لوبغاړي غوره شوي چې ۹ افغان کرېکټ لوبغاړي هم پکې دي.

ټاکلې ده د پاکستان راتلونکي غوره لیګ ته بولۍ د ۲۰۱۷ کال د نومبر پر ۱۲ پیل شي. د اېچ بي اېل په نوښت پاکستان غوره لیګ د ۲۰۱۸ کال فبرورۍ کې پیلېږي.

په ورته مهال د روانې نومبر میاشتې پر لسمه د اسیا جام سیالیو په لړ کې د افغانستان د ۱۹ کرېکټ ملي لوبډلې پخپله لومړۍ لوبه کې پاکستانۍ لوبډلې ته په اوو ویکټو سخته ماتې ورکړه.

دا مهال د بنګله دېش شل اووریزه لیګ سیالو کې پنځه افغان لوبغاړي برخه اخلي.

د پاکستان د اېچ بي اېل غوره لیګ سیالیو د بولۍ نوملړ ته لاندې لوبغاړي غوره شوي:

د پاکستان غوره لیګ سیالیو ته تېر کال هم څلور افغان لوبغاړي وپلورل شول:

بهرنیو اتلولیو کې افغان لوبغاړي

په افغان لوبغاړو کې دا ځل په درېیو لوبډلو کې ځای شوي دي:

نبي عیسی خېل او راشد خان د هند سږنیو سوپر لیګ سیالو ته هم پېرل شوي وو.

د افغان کرېکټ ملي لوبډلې دغو دوو لوبغاړو د کارابین غوره لیګ سیالیو کې ګډون درلود.

راشد خان د کارابین کرېکټ غوره لیګ سیالیو کې تاریخ جوړ کړ او په لومړي ځل یې هټرېک وکړ.

* نبي او راشد د هند غوره لیګ کې وپېرل شول

* راشد خان په کارابین غوره لیګ سیالیو کې تاریخ جوړ کړ

دا په سي پي ال کې لومړنی هټرېک دی. د راشد خان هم لومړنی هټرېک دی.

راشد خان به د اسټرالیا په شل بېګ باش لیک کې د سږ کال په وروستیو کې د ایډلیډا سټرکر لوبډلې په ګټه لوبه وکړي.

بهرنیو اتلولیو کې ګډون افغان لوبغاړي له نویو تجربو سره مخامخ کوي او هم دا تجربې په کور د ننه له نورو لوبغاړو سره شریکوي.