د اروپا تر ټولو لوی ښکاري ډایناسور پاتې شونې بریتانیا کې موندل شوي

ساینسپوهان وايي، د اروپا تر ټولو لوی ډایناسور پاتې شوني د بریتانیا په ایل اف وایټ سیمه کې موندل شوي.

د ساوتهمپټن پوهنتون د ژویو پېژندنې برخې یوې ډلې دا پاتې شونې موندلي چې لس مېتره اوږدوالی لري او ۱۲۵ مېلیونه کاله وړاندې یې ژوند کړی.

د هډوکو دا پاتې شونې د دوو پښو لرونکي ښکاري ژوي سپاینوسارېډ ډایناسور نسل پورې تړاو لري.

د دوکتورا محصل کرېس بیکر چې د دې څېړنې مشري کوي ویلي چې یو ستر ژوی وو.

دا پاتې شونې د ایل اف وایټ په جنوبي ساحل سیمه کې موندل شوي.

ښاغلی بیکر وايي: "دا یو ستر ژوی وو چې له لس مېترو یې اوږدوالی ډېر وو او ښايي څو تنه وزن به یې درلود

دی زیاتوي: "د پاتې شونو څېړنې موندلې چې دا تر اوسه په اروپا کې موندل شوی تر ټولو لوی ښکاري ډایناسور دی.

د ډایناسور دا نسل نژدې ۱۲۵ مېلیونه کاله وړاندې د اوبو د سطحې لوړېدو په زمانه کې ژوندی وو.

د دې څېړنې مرستیال مشر ډارېن نایش وايي: "دا چې دا څېړنه یوازې د یو څو هډوکو پر بنسټ شوې تر اوسه مو ورته ساینسي نوم نه دی ورکړی. تمه لرو چې د وخت په تېرېدو به د دغه ډول ژویو نور پاتې شونې هم پیدا شي.

د دغو پاتې شونو ډیری یې د ایل اف وایټ سیمې ډایناسور پلټونکي نېک چېز موندلي وو چې د کورونا له وبا لږ څه وړاندې مړ شوی وو.

دا موندنې د ساوتهمپټن پوهنتون لخوا د سپاینوسارېډز ژویو په د پخوانیو څېړنو په لړ کې تازه هغه دي چې دوی يې په اړه ۲۰۲۱ کې مالومات خپاره کړي.