تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د شیدو لارې هغه انځورونه چې لا لیدل شوي نه وو
دې انځور ته وګورئ، تراوسه به مو د شیدو لار د کهکشان داسې انځورونه لیدلي نه وي.
ستورپوهانو د اسټرالیا لوېدیځه دښته کې دا عکسونه له داسې کهشکان اخیستي چې ژوند پکې کوي.
که د انسانانو سترګو راډیويي څپې لیدلی شوی، نو له هغې منظرې سره مخ کېده چې دې عکس کې یې وینو، چې مورچېسن رادیو تیلیسکوپ اخیستی دی.
کارپوهان وايي، د شیدو لار کهکشان ارزول یوه لوی ځنګل ته د کتلو په مانا دي چې د همدې ځنګل له منځ ورته ګورې.
خو یو توپیر پکې شته او هغه دا چې خنډنۍ یا مزاحمې ونې نه لیدل کېږي او باید ګاز او ګرد ته وګورې.
د کهکشان مرکز څنګه ځای دی؟
ستورپوه ډاکټر ناتاشا هرلي-واکر د دې انځور پنځولو لپاره د اسټرالیا پرت ښار کې د یوه ځواکمن کمپیوټري مرکز په مټ دا انځور اخیستی.
دی وايي، دا انځور له داسې ځای اخستل شوی چې ستورپوهان یې د کهکشان مرکز بولي.
د شیدو لار دې سیمه کې ګرځي.
که تاسو له لمري منظومې د فلکي صورتونو په لور حرکت وکړئ، له ۲۴ زره لمري کلونو وروسته دې ځای ته رسېږئ.
