تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د انګور اډې لار د ګاډو لپاره پرانیستل شوه
پر ډېورنډ کرښه د انګور اډې تګ راتګ لاره د ګاډو پر مخ پرانیستل شوې ده. جنوبي وزیرستان کې ځايي چارواکو ویلي له دواړو لوریو یو شمېر ګاډي له دروازې تېر شوي دي. د تګ راتګ دغه لار د فبرورۍ پر ۱۷ نېټه د پاکستان سند ایالت په یوه زیارت کې له چاودنې وروسته چمن او تورخم سره یو ځای تړل شوې وه.
د بي بي سي خبریال عزیزالله خان وايي، څو ورځې وړاندې د دواړو هېوادونو چارواکو انګوره اډه کې غونډه کړې او د لارې پرانیستلو هوکړه یې کړې ده.
تېره ورځ لومړی د پاکستان له لوري دروازه پرانیستل شوه او له هغه وروسته افغان چارواکو هم ګاډو ته د تګ راتګ اجازه ورکړه.
تېره ورځ پاکستاني چارواکو ټانک سیمه کې هغه ګاډي څښتنانو ته وسپارل، چې انګور اډه کې نیول شوي وو. دغه ګاډي د یوې جرګې لارې څښتنانو ته سپارل شوي، چې دغه جرګه کې ځايي مخورو، سیاسي چارواکو او پوځیانو ګډون کړی و.
د انګور اډې له لارې هره ورځ له ۴۰ تر ۵۰ پورې ګاډي تګ راتګ کوي، خو د پلي مساپرو لږ شمېر له دغې لارې ځي راځي.
د کرښې دواړو لوریو ته مېشت خلک د لارې تړل کېدو له کبله معمولاً له سختو کړاوونو سره مخامخېږي. انګوره اډه او شاوخوا سیمه کې یې سلیمان خیل، وزیر، مسېد او دوتاڼي مېشت دي.
