بي بي سي پښتو ټکی کام

	په کندوز کې د تېلو پر ټانکرونو د بريد امر به دغه ولايت کې د ناټو ځواکونو په مشرۍ جرمني پوځيانو يوه تن قوماندان ورکړی وی .

د دغه پلاوي يوه غړي محمدالله بتاش د فرانسې خبري اژانس ته ويلي چې په بريد کې ٦٩ وسله وال طالبان وژل شوي دي .

دغه بريد د تېلو پر دوو ټانکرو وروسته له هغه شوی، چې وسله والو طالبانو تښتولي وو .
کله چې په بريد کې د ولسي وګړو د تلفاتو خبره مخې ته راغله، په کلکه يې غندنه وشوه .

ناټو هم د پېښې په اړه پلټنه پيل کړې وه، خو د تلفاتو کره شمېره يې نه ده ښودلې .

بريد د روانې سپتمبر مياشتې پر څلورمه د شپې مهال ناټو ځواکونو ته د تېرو پر هغو دوو ټانکرونو وشو، چې خلک ترېنه د تېلو وړلو ته ورغلي ول .

کندوز د افغان ولسمشر حامد کرزي په امر د تللي پلاوي يوه غړي محمد الله بتاش فرانس پرېس خبري اژانس ته ويلي چې په وژل شويو طالبانو کې يې ځينو وسلې درلودې او ځينې نور بې وسلې ول .

	په دغه بريد کې ١١ تنه نور ټپيان شوي هم وو .

په دغه بريد کې يوولس نور ټپيان شوي هم وو .

ښاغلي بتاش د پلټنو نور جزييات نه دي په ډاګه کړي، خو تمه کېږي چې ولسمشر ته د رپوټ تر وړاندې کولو وروسته ښايي چې مفصل رپوټ خپور شي .

په کندوز کې د تېلو پر ټانکرونو د بريد امر به دغه ولايت کې د ناټو ځواکونو په مشرۍ جرمني پوځيانو يوه تن قوماندان ورکړی وی .

دا مهال په افغانستان کې شاوخوا سل زره ناټو ځواکونه مېشت دي، چې زياتره يې امريکايان دي .

په افغانستان کې د ولسي وګړو د مرګ ژوبلې په زياتېدو سره د ناټو په غړو هېوادونو کې د افغانستان د جګړې د پلويانو شمېر مخ پر کمېدو دی .

له دغو هېوادونو څخه يو هم جرمني دی، چې دا مهال له افغانستانه د خپلو پوځيانو د ويستلو پرمهالوېش کار کوي .