نعمت الله کرياب له اسداباده

	وسله وال طالبان وايي بريد دوى کړی، خو وژل شوي کسان تر يادې شوې شمېرې ډېر ښيي .

بريد د سرکاڼو ولسوالۍ په ناوه پاس سيمه کې شوى دى .

د کونړ ولايت د امنيې قومندان مل پاسوال عبدالجلال جلال وايي بريد تېره نيمه شپه د سرکاڼو په ولسوالۍ کې شوى چې پنځه ساتونکي پوليس پکې وژل شوي او تر دې ډېر تپيان دي .

نوموړي بريد کوونکو ته هم ددرنې مرگ ژوبلې د اوښتو خبره کوي، چې په وينا يې بريد د پاکستان د 'نيمه پوځيانو' په مرسته شوى دى :

'' د سرحدي پوليسو پنځه تنه 'شهيدان' شوي او اووه نور ټپيان دي، موږ ته رسېدلي رپوټونه وايي اته تنه د مخالفينو وژل شوي او د پاکستان چمرکنډ ته وړل شوي .''

وسله وال طالبان وايي بريد دوى کړی، خو وژل شوي کسان تر يادې شوې شمېرې ډېر ښيي .

ددې ډلې وياند ذبيح الله مجاهد د خپلو دوو تنو ټپي کېدل منيلي .

ناوه پاس هغه سيمه ده چې ددواړو هېوادونو سرحدي پوليس پکې څنګ په څنګ پوستې لري چې تر دې وړاندې پکې هم ورته بريدونه شوي دي .

	د غزني د ده يک ولسوالۍ امنيه قومندان فيض محمد توپان دا منلې چې په بمبار کې د ملا عبدالباقي په نامۀ طالب قومندان وژل شوى دى .

له بلې خوا د غزني د والي وياند ضيا ولي ځدراڼ د هغو دوو تنو ښوونکو د خوشي کېدو خبر ورکړی چې دوه ورځې وړاندې ددغه ولايت له مرکز او قره باغ ولسوالۍ نه د يوه ښوونځي د چپړاسي په گډون تښتول شوي وو .

ځدراڼ وايي دغه ښوونکي او چپړاسي د قومي سپين ږيرو د منځگړيتوب په پايله کې پرته له کومې معاملې خوشي شوي دي .

همدارنگه ددې ولايت په ده يک ولسوالۍ کې د نړيوالو ځواکونو په هوايي بمبار کې د وسله والو طالبانو يو سيمه ييز قومندان وژل شوى دى .

د ده يک ولسوالۍ امنيه قومندان فيض محمد توپان دا منلې چې په بمبار کې د ملا عبدالباقي په نامۀ طالب قومندان وژل شوى دى .

دى وايي چې دغه سيمه له ولسوالۍ څخه ډېره ليرې ده چې په وينا يې په بمبار کې ولسي وگړو ته مرگ ژوبله نه ده اوښتې .