ميرويس افغان له کندهاره

	د يادونې وړ ده چې د روانې اوونۍ په پيل کې د کندهار په ميوند ولسوالۍ کې څلور افغان پوليس وژل شوي ول .

وسله والو طالبانو دغه بريد تېره شپه د سوېلي ولايت کندهار د ارغنداب په مرنجان سيمه کې کړى دى .

په دې ولايت کې افغان چارواکي وايي وسله والو طالبانو پر امنيتي پوسته بريد کړى چې له امله يې ١١ افغان پوليسو وژل وشوي او يو ټپي شوى دى .

د چارواکو پروينا وسله والو طالبانو په دې بريد کې د پوليسو اړوند يو موټر او يو موټر سايکل هم سوځولي دي .

بل پلو د غورک په ولسوالۍ کې د يوه بل بريد په ترڅ کې يو پوليس وژل شوى دى .

د يادونې وړ ده چې د روانې اوونۍ په پيل کې د کندهار په ميوند ولسوالۍ کې څلور افغان پوليس وژل شوي ول .

تېره ورځ هم د سوېلي هلمند ولايت په گرشک ولسوالۍ کې په يوه وسله وال بريد کې څلور پوليس وژل شوي او اووه نور ټپيان شوي ول .

همدارنگه تېره ورځ مازيگر مهال ددې ولايت د سنگين ولسوالۍ په مرکز کې د ناټو ځواکونو پر گزمه ځانمرگى بريد شوى چې يوازې د بريدکوونکي په وژل کېدو تمام شوى دى .

د افغانستان په سوېل کې د هغو څلوروکامي مشرانو مړي موندل شوي چې تېره اوونۍ ديوې سيمه ييزې جرګې په موخه په هلمند کې راغونډ شوي وو .

په سيمه کې ترتولو مهمه پېښه د څلورو کامي مشرانو وژنه بلل کېږي چې مړي يې د يکشنبې په ورځ (د اپريل ١٣) د هلمند ولايت دمارجې ولسوالۍ په شورشورک سيمه کې په يوه څاه کې وموندل شول .

دغه کسان دهلمند د مرکز لښکر ګاه اواروزګان ولايت اوسېدونکي دي .

دوى څلور ورځې وړاندې مارجې ولسوالۍ ته د يوې شخصي شخړې د هوارولو په موخه تللي وو چې وسله والو کسانو برمته کړل .

ځايي اوسېدونکي وژل شوي کسان په سيمه کې بانفوذ کامي مشران بولي .

حکومتي مامورين په پېښه کې وسله وال طالبان تورنوي خو دطالبانو وياند قاري يوسف احمدي ويلي چې دى په دې پېښه ناخبره دى .

دکامي مشرانو د وژنې ترڅنګ دهلمند په يوه بله ولسوالي ګريشک کې ديوه افسر په ګډون څلور پوليس وژل شوي او اووه نور ټپيان دي .

دغه بريد وسله والو طالبانو د پوليسو د ګزمې پرموټر کړى دى .

بل پلو په پکتيا ولايت کې هم ديوه کامي مشر پر موټر بمي بريد شوى او دکورنۍ دوه غړي يې وژل شوي دي .

بل پلو په پکتيا ولايت کې تېره ورځ هم ديوه کامي مشر پر موټر بمي بريد شوى او د کورنۍ دوه غړي يې وژل شوي دي .

که څه هم د افغان امنيتي ساتونکو، ناټو ځواکونو او وسله والو طالبانو ترمنځ جنګ جګړې د هرې ورځې خبرې دي، خو د کامي مشرانو وژنې په ولس کې اندېښنې راپيدا کړې دي .