عبد الصمد روحاني له کندهاره

	کندهار د سويل يو له ډېرو نارامو ولايتونو څخه دى

دغه ولسوالۍ پنځه ورځي وړاندي وسله والو طالبانو نيولې وه .

دكندهار والي اسدالله خالد خبريالانو ته وويل چې افغان ځواکونو تيره ورځ ناوخته له يوې سختې جگړې وروسته له دغې ولسوالۍ څخه وسله وال طالبان وايستل .

هغه په دغې جګړه كې وسله والو طالبانو ته د درنې مرګ ژوبلې داړولو ادعا هم وكړه .

دكندهار دوالي په وينا، امنيتي ځواکونو په ولسوالۍ کې امنيت ټينګ کړى او اوس هلته هيڅ ستونزه نشته .

طالبانو له غورک مخکې، د کندهار ولايت ميانشين ولسوالۍ هم نيولې وه چي وروسته افغان اوناټو ځواكونو بېرته ورڅخه واخيسته .

د مرکز له بايللو سره-سره، طالبان وايي چي اوس هم دغورك ولسوالۍ ډيري برخې د دوى په ولکه کې دي.

په غورک کې د ناامنۍ لامل په سيمه کې، په تېره بيا د گاونډي هلمند ولايت د نارامې ولسوالۍ سنگين، کې د وسله والو طالبانو پراخ فعاليتونه بلل کېږي.

بلخوا د كندهار دژېړۍ ولسوالۍ چارواكو دوسله والو طالبانو په يوه بريد كې د دريو افغان سرتيرو دوژل كيدو او پنځوتنو نورو دټپي كېدو خبر وركړى .

ځايي چارواكي وايي نښته هغه مهال رامنځته شوه چي وسلواله والو طالبانو دافغان سرتيرو پريوې امنيتي پوستې بريد وكړ .

چارواكي په دغه جګړه كې د ١٣ طالب جنګيالو دوژل كېدو اوگڼ شمير نورو دټپي كيدو ادعا هم كوي .خو د طالبانو وياند قاري يوسف احمدي خپله مرګ ژوبله نه مني او د وژل شويو افغان سرتيرو شميره ترلسو ډېره بولي .

ژېړۍ له تيرو په تېرو دوو كلونو کې دوسله والو طالبانو، افغان اوناټو ځواكونو ترمنځ ددرنو جګړو سيمه پاتې شوې ده .
كه څه هم ناټو ځواكونو په دغې ولسوالۍ كې دزر سري ښامار او په ځينو نورو نومونو عمليات ترسره كړل خو بياهم دوسله والو طالبانو په بريدونو كې د كموالي څرك نه ترسترګوكيږي .