 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
بلخ : زما ښار زما له سترگو | |||||||||||||||||||||||||||||||||||||||||||||||||||||||||||||||||||||||||||||||
زما نوم سميع الرحمن دى . د بغلان ولايت د خنجانو په ولسوالۍ کې په ١٩٩١ کال کې زيږيدلى يم . زۀ هر کال د بلخ ولايت مرکز ته د جنډې د پورته کولو مراسمو ته ځم . خپله د خنجانو په لېسه کې د ١٠ ټولگي زده کوونکى يم دغه څو عکسونه د پښتو وېبپاڼې له نورو ليدونکو سره شريکوم .
دا د ابو نصر پارسا لرغونى جومات دى چې د اسلامي دورې په لومړيو کې د بلخ په ولسوالۍ کې جوړ شوى دى . د تير کال په پرتله يې ښکلا سږ کال کمه شوې وه ، لوټمارانو يې ځينې نورې خښتې هم لوټلې وې .
دا د بلخ هغه مدرسه ده چې يو وخت به ورته د نړۍ له هر گوټ څخه زده کوونکي ورته راتلل خو اوس په يوې کنډوالې بدله شوې ده ، او عجيبه يې لا دا ده چې د بلخ ولايت د بلخ ولسوالۍ ډير وگړي اوس نالوستي دي حال دا چې ورته په نژدې لوى ښار مزار شريف کې پوهنتون هم شته او لېسې خو يې ما نه دي شمارلي .
دغه پاس د خاورو کوټه يو وخت د زردشتيانو معبد و خورا لرغونى ځاى دى خو اوس د خاورو له همدې ډيرانه پرته نور څه پکې نشته
دغه خړ دېوال د بلخ لرغونى دېوال دى چې وايي اريايي ټولواک يما يې له ميلاد څخه ١٧٠٠ کاله وړاندې د بنسټ ډبره اېښې وه اوس يې څوک پوښتنه نه کوي او دا دى کال په کال د خرابيدو په حال کې وي
د بلخ ولسوالۍ باغ سږ کال هغومره له خلکو ډک نه و چې تير کال کې ليدلى و . سږ کال د ميلې پر وخت عادي خلکو ته اسانتياوې لږې وې شايد په همدې دليل سيلانيان لږ ورته راغلي وو
چې د بلخ ولايت ته راشئ او د مزار شريف د ښار په زړۀ کې روضې ته رانه شئ نو څرنگه کيداى شي .د نوروز په ورځ درول شوې جنډه لا تر اوسه ولاړه ده دغه جنډه به د کال په لومړيو ٤٠ ورځو کې همداسې ولاړه وي   (( يادونه : بي بي سي پښتو وېبپاڼه ( زما ښار زما له سترگو ) لړۍ پيل کړې . که تاسو د خپل ښار ، کلي يا ولايت عکسونه اخيستي وي ، راويې ليږئ ، ستاسو له نوم ، عکس او د عکسونو له تشريحاتو سره يې خپروو . لطفآ يوازې هغه عکسونه راوليږئ چې تاسو اخيستي وي . له هر عکس سره دا هم وليکئ چې د څه په باب دى او ولې تاسو ته ښه ښکاره شوى . )) | ورسره تړلي نور خبرونه  لوگر : زماښار زما له سترگو09 اپريل, 2006 | خبرونه کندز : زما ښار زما له سترگو27 مارچ, 2006 | خبرونه الينگار- لغمان: زما ښار زما له سترگو !23 مارچ, 2006 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
