 | | | د سرخ پوشانو د غورځنگ گڼ شمير استازو د ولي خان په جنازه کې برخه واخيسته |
د خدايي خدمتگارانو د مشر خان عبدالغفار خان زوى ، دعوامي نشنل گوند مشر او مشهور پښتون سياستوال خان ولي خان تر اوږدې ناروغۍ وروسته ومړ . عبدالولي خان نن ( جمعه د سلواغې ٧ د جنوري ٢٧ ) د چارسدې په ولي باغ کې خاورو ته وسپارل شو .
د ولي خان په جنازه کې په زرگونو کسانو برخه واخيسته چې د افغانستان يو پلاوى هم ورغلى و . د دې پلاوي مشري د ولسمشر کرزي مرستيال کريم خليلي يې کوله . خپله ولسمشر حامد کرزي د ولي خان په مړينه خواشيني څرگنده کړې ده . خو په جنازې کې يې د گډون نشتوالى د هغۀ واردمخه پلان شوي سفر له امله ښودل شوى چې اروپايي هيوادونو ته يې پيل کړى دى . | | د ولي خان د جنازې په مراسمو کې په زرگونو کسانو گډون وکړ ، په لوړو پوړو چارواکو کې د افغانستان مرستيال ولسمشر کريم خليلي هم و . |
| | د ولي خان په مړينه په زرگونو ويرجن کسان د جنازې په ورځ حاضر وو . |
| | د ولي خان زوى اسفنديار ولي د خپل پلار په پلۀ پل ايښى او د هغوى سياست پر مخ بيايي ، د ولي خان فاتحه دۀ ته کيده . |
| | د ولي خان بل زوى سنگين ولي د پلار په جنازه کې د خپل نيکۀ د سرخ پوشانو د غورځنگ سره خولۍ په سر کړه . |
| | د سرخ پوشانو له هغې ډلې چې د ارواښاد ولي خان د ځوانۍ له کلونو په دغه غورځنگ کې شامل وو ، د دوى په جنازې کې هم وليدل شول |
| 
د ولي خان سياست او ژوند ته يوه کتنه 
