 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
ايران او پاکستان د غازو پر نلليکې خبرې وکړې | |||||||||||||||||||||||||||||||||||||||||||||||||||||||||||||||||||||||||||||||
پاکستان او ايران د غازو د هغې نلليکې جوړولو ته يو وار بيا د خپل هوډ يادونه کړې چې له ايرانه به د پاکستان په لار هند ته غځيږي . په اسلام اباد کې د لوړ پوړو پاکستاني او ايراني چارواکو ترمنځ تر خبرو اترو وروسته په يوۀ گډ بان کې راغلي چې يوه دوه اړخيزه کاري ډله به د مارچ ( کب او ورى ) په مياشت کې په تهران کې سره ويني او د وزيرانو د کچې يوه غونډه چې درې سره هيوادونه به پکې برخه اخلي د اپريل په مياشت کې کيدونکې ده . بيان د دغې پروژې د ژوندۍ ساتلو پر اړتيا ټينگار کوي . د دغې وړانديزي نلليکې مخالفت متحد ايالات کوي هغوى پر هند او پاکستان دواړو ټينگار کوي چې پر ځاى يې له منځنۍ اسيا څخه د يوې بلې نلليکې لټه وکړي . په دې وروستيو کې پاکستان او افغانستان له ترکمنستان څخه د غازو پر يوې بلې نلليکې بيا خبرې پيل کړې چې له ډيرو کلونو پرې غور کيږي . بل پلو د ايران په سويلي ښار اهواز کې بمي چاودنو لږ تر لږه اته کسان وژلي او تر څلوېښتو ډير يې ټپيان کړي دي . د چاودنو پر وخت ولسمشر احمدينژاد دغه ښار ته تلونکى و خو مامورينو وويل دۀ د بدې هوا له امله خپل سفر وځنډاوۀ . چا د اهواز د چاودنو پړه نه ده منلې خو دا هغه سيمه ده چې کله نا کله پکې ناکراري وي چې د ايراني عرب اقليت پکې لاس لري . | ورسره تړلي نور خبرونه  دارجنټانيايۍ بريډاس کمپنۍ د افغانستان د غازو نل ليکه غزوى20 جنوري, 2006 | خبرونه ترکمنستان ولې د غازو بيه لوړوي ؟ 26 نومبر, 2005 | خبرونه هند او ايران د غازو د نل ليکي خبري اتري پيل کړي03 اگست, 2005 | خبرونه په بلوچستان کې د سويي د غازو توليدي بټي نن هم تړلې وې13 جنوري, 2005 | خبرونه جرمني ته له روسيې نه د نلليکې د غځىدو کار پيل شو09 دسمبر, 2005 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
