پاينده څرگند کابل

	له افغانستانه د غازو د نل ليکې له غزيدو سره به افغانستان ته دميليونو ډالرو گټه ورسيږي

ښاغلي کرزي بيا په افغانستان کې د ارجنټاين او ايټاليې دسفيرانو او دتيلود نړيوال سازمان اوپيپ د بانکي چارود مشر په شتون کې ددغې پروژې پلى کول د سيمې د اقتصاد دپياړتيا په ډگر کې سترگام وارزوه.

افغانستان له تيرو دريو کلونو او په دغه لړ کې په څانگړي توگه له تير يوه کال را هيسي د غازو دنل ليکې دغزولو د پروژې په تړاو د سيمې له هيوادونو او اړوندو شرکتونو سره خبرې اترې درلودې خو تر دې دمه د خوشبينۍ څرک نه و لگيدلى.

بريډاس او يونيکال هغه دوه بهرنۍ کمپنۍ دي چې آن د طالبانو پر مهال د نل ليکې د غزولو پر سر ديو بل په وړاندې د سيالۍ ډگر ته را وتلي و.

افغان چارواکي په دې آند دي چې له افغانستانه د غازو د نل ليکې له غزيدو سره به افغانستان ته دميليونو ډالرو گټه ورسيږي او ددې تر څنگ به ډير شمير افغانان په کار وگمارل شي.

له افغانستانه د تيريدونکي نل ليکې د غزولو مسئله څو څو ځلي مطرح شوې، خو د چارواکو په وينا د امنيت نشتوالي ددې لامل گرځيدلى چې دغه ستره پروژه وځنډيږي.

د ايران هيواد هم ډيرې هڅې وکړئ چې د غازو دغه گټوره نل ليکه له ايرانه د هند سمندر ته وليږدول شي.