د بالتيک د نل ليکې پروژه دروسىې او جرمني د همکارۍ د روحيې يوه ډېره څرگنده بېلگه وه.

د بالتيک د نل ليکې پروژه چې پروسږ کال يې، د شروېډر د واکمنۍ له پايته رسېدو لږ مخکې ، پر سر جوړه وشوه، د دواړو ترمنځ د همکارۍ د روحيې يوه ډېره څرگنده بېلگه وه.
د روسيې لپاره چې اقتصادي يې د تيلو او غازو لويې گټې ښه ورغوړولى ، او د خپلې ودې د پاېښت لپاره دوامدارو صادراتو ته اړتيا لرې، دا معامله يو برى وو.

د کسپين د تېلو د نل ليکې له پروژې په گوښه پاتې کېدو، دا هېواد هم له اقتصادي پلوه ژوبل شوى وو، او هم له سياسي پلوه سپک شوى وه.

هغه پروژه چې د متحده ايالتونو په ارادې او غوښتنې رامنځته شوې، د قفقاذ او ترکيې له لارې تېريږي. خو د بالتيک معاملې په وارسا کې يو څه وېره رامنځته کړې.

لويديځې اروپا ته د روسيې د انرژۍ صادرات اوس د پولند له خاورې تېريږي. پولند د دې لپاره چې د ترانزيت لاره ورکوي، د روسيې د غازو لپاره د بازر د بيې يوازې دريمه برخه ورکوي.

اوکراين هم په همدې دريځ کې دى. ماسکو ټينگار کوي چې حق لري خپل غاز د نړيوال بازار په بيه ورکړي، خو د پخواني شوروي د بلاک پېرېدونکو هغه څه غندلي چې دوى يې زورښکاره کونکي تکتيکونه بولي.

پولند چې له جرمني او روسيې سره پخوانۍ زړه بدوالى لري، د دواړو په اړه شکمن دى.
په همدې ترڅ کې له ماسکو سره يې په دې ورستيو کې يو لړ اختلافانو په وارسا کې لا يوه تنده ملت پالې فضا رامنځته کړې. کيف په خپل وار داسې گڼي چې روسى مشر ولاديمير پوتين سزا ورکوي چې ولې يې په تېر کال کې د ماسکو کړۍ پرېښوده او لويديځ ته ورمات شوى.