د استراليا کپتان په يوې لوبې کې دوه سل منډې وکړې .

له دې بري سره استراليا د پنځه ورځنيو لوبو په لړۍ کې دوه صفر وړاندې دى .

د سډني د لوبې اتل د استراليا کپتان ريکي پاونټينگ و . دا د دۀ د لوبيز ژوند سلمه لوبه وه .

پاونټينگ په لومړنۍ پاڼۍ کې ١٢٠ او په دويمې کې ١٤٣ منډې وکړې او تر پايه ونه سوځيد .

سويلي افريقا په لومړنۍ پاڼۍ کې ٤٥١ منډې وکړې او ٩ لوبغاړي يې وسوځيدل . په ځواب کې استراليا د ريکي پانټينگ د ١٢٠ منډو په مټ ٣٥١ منډې جوړې کړې .

د دې لوبې ډيره برخه د باران له امله ضايعه شوه له همدې امله سويلي افريقا د بري په هيله خپله دويمه پاڼۍ د ٦ لوبغاړو په سوځيدو پر ١٩٦ منډو پرېښوده .

استراليا په لږ وخت کې ٢٧٨ منډو ته اړتيا لرله چې د پانټينگ ١٤٣ منډو په اسانۍ دغه موخه ترلاسه کړه .

پانټينگ د کريکټ لوبو په تاريخ کې لومړنى لوبغاړى وشو چې د خپل لوبيز ژوند په سلمه لوبه کې يې دوه سل منډې وکړې .

د لوبو نور خبرونه د دې ځاى په کېکاږلو ترلاسه کولى شئ