د سويلي افريقا شان پولاک د نړيوالې لوبډلې کپتان و .

استراليا پرون ( چارشنبه د تلې ١٣ د اکتوبر ٥ ) په خپل کور کې د نړۍ منتخب کريکټ لوبډلې ته په يوه ورځنۍ لوبه کې په ٩٣ منډو ماتې ورکړه .

دا د دغو دواړو لوبډلو ترمنځ د درو يو ورځنيو او يوې شپږ ورځنۍ لوبې د لړيو لومړنۍ لوبه وه .

استراليا لومړۍ منډې جوړې کړې او د اتو لوبغاړو په سوځيدو يې ٢٥٥ مندې وکړې .

په ځواب کې د نړۍ لوبډله ايله په ١٦٢ منډو وسوځيده .

د نړۍ په لوبډله کې د انگلستان ، هند ، پاکستان ، سويلي افريقا او سرې لنکا دوه دوه لوبغاړي ، د ويسټ انډيز او هند يو يو لوبغاړى شامل وو .

د پاکستان پښتون لوبغاړى شاهد اپريدى هم په دې لوبه کې غوره شوى و خو ايله په دوه منډو وسوځيد .