جان محمد اڅکزى

	بلوڅان د اعتراض په حال کې خو ځينې په دې باور دي چې دوى خپلې نيمگړتياوې هم د دولت له امله بولي

دوى ملت پاله نوابان او سردارن دي. په سياسي ډول هم دغه درې واړه مشران دى چې د پاکستان له جوړيدو راهيسې د بلوچستان په سياست برلاسه دي اوس د دوى زامن د نوې نسل په توگه د دوى سياسي مراث پرمخ وړي.

دوى فکر کوي چې د بلوچستان طبيعې زيرمې مرکزې حکومت خوري او ايالت ته ونډه نه ورکوي.

په دې خبره کې تر ډيره ځايه حقيقت شته. خود بلوچستان د وروسته پاتې والې ټوله پړه پر مرکزې حکومت نشي اچول کيدلى .

تقيد کوونکي فکر کوي چې د بلوڅو ملت پالو سياستوالو په فکر او عمل کې ډير تضاد دى.

دوى چې هر ځل واک په لاس کې اخيستى ، نو يې د خپل قبايلې او سياسي اغيز او کورنيو گټود پراخولو لپاره کارولى دى.

ان په خپلو سيمو کې يې ښوونځې نه دې پرانيستې او نه يې پراانستلو ته پريښې دي.

او د دې پړه يې هم په مرکزې حکومت اچولې ده. په بلوچستان کې ډير خلک له دوى سره هم نظره نه دي چې د بلوچستان سياسي مشري وکړي.

د مثال په ډول د مکران په سيمه کې د بلوڅو د منځنۍ طبقې مشري ډاکټرعبدالحي بلوڅ کوي چې يو عادي وگړى دى. او هيڅکله قبايلې سردار يا نواب نه و.

که څه هم دى له مرکزي دولت څخه د نورو بلوڅو مشرانو په څير ورته گيلې لري خو د درو واړو بلوڅو سردارانو د مشرۍ پر وړتيا هم شک لري.

دوى د بلوچستان ريښتونې استازي نه گڼي. ډير کتوونکي فکر کوي چې مرکزي حکومت په بلوچستان کې ډير اغيز نه لري. او هغو کسانو ته امنيت نشي ورکوى چې د بلوڅو سردارانو او نوابانو مشرتابه چيلنج کړي.

نو ځکه بدېل مشرتوب نه دى راپورته شوى .

تر څو د بلوڅو مشري بلوڅ سرداران او نوابان کوي، د عادېي خلکوگټو او د دوى د گټو ترمنځ د ټکر شکونه به پر ځاى پاته وي.

د پاکستان په باب نور خبرونه د ددې ځاى په کېکاږلو ترلاسه کړئ