د عراق کرکوک کې "بې پایه اور" چې له زرګونو کلونو راهیسې لمبې وهي

د عراق کرکوک کې د احمد مجدي وېډیو چې ځان کیمیسټ بولي، یوځل بیا د (ازلي اور) [بې پایه] په اړه بحثونه راپارولي.

دی وايي: "د عراق کرکوک کې دا ازلي اور له ۴۰۰۰ کلونو راهیسې بل دی".‌

د نوموړي دا وېډیو میلیونونه ځله کتل شوې ده.

مجدي دا وېډیو په دې خبره پیلوي چې په کروک کې د بابا کرکر په نامه کرونده کې د ځمکې پر سر د نړۍ یو له ناشنا عجایبو سره ولاړ دی (ازلي اور)- بیا د خپلې کامرې سترګۍ د اور هغو لمبو ته مخامخ نیسي چې له ځمکې راوځي.

"کیمیاوي" زیاتوي دا اور "له ۴۰۰۰ کلونو راهیسې بل دی"، دی تورې ایرې په یوه لرګي لیرې کوي او د اور لمبې ترې راپورته شي.

ددې اور راز څه دی؟

احمد مجدي وايي، ددغه اور د لمبو په اړه دوه روایتونه دي.

لومړی دا چې "انسانان اور ته ورنژدې شوي او تر اوسه همداسې بل پاتې دی"، دویم دا چې "دا اور د انسان له مداخلې پرته د تالندې له کبله د یو راغلي توپان پایله کې چې ځمکه یې اغېزمنه کړې ده بل شوی دی".

که څه هم هېڅوک ددغه اور د بلېدو په لامل نه پوهېږي، خو داسې فرضیې شته چې ګنې دا پدیده تفسیرولی شي.

"نه ګلېدونکی اور"

د اور دا لمبې په "ازلي اور" مشهورې دي، چې د کرکوک په کروندو کې یا بابا کرکر (چې په کردي ژبه یې د اور پلار معنا ده) راوځي.

دا اور د تېلو د یوه ځای سره نژدې د ځمکې له خېټې د خواره شوي ګاز د بلېدو په پایله کې راوځي.‌

ددې اور تاریخ تر میلاد ډېر وړاندې لرغونو پېړیو ته رسېږي، چې د تاریخي روایتونو پربنسټ، له ۵۵۰ قبل المیلاد راهیسې دا اور پخپل سر بل شوی او تر نن ورځې لمبې وهي.

دغه اور د باران، واورې او باد پرمهال هم نه ګلېږي، نو ځکه (ازلي اور) یا "بې پایه" اور نوم ورکړل شوی.

د مېږو د تودولو اور

سرچینې وايي، پوونده او شپنو به د هوا په سړېدو سره دغې سیمې ته په ژمي کې د خپلو مېږو د تودولو لپاره ځانونه رسول.

په دې سیمه کې د کبریټیډ هایدروجن په نامه غاز شته چې هلته سیمه کې د (خوسا هګۍ) بوی ټول ځای په سر اخیستی.

وايي هرڅوک چې ورځي باید داسې لوري ته ځان برابر کړي چې د لګېدونکي باد په مټ د زهرجن ګاز له تېرولو ډډه وکړي.

د کرکوک د تېلو دا سیمه په عراق کې تر ټولو پخوانۍ تېل لرونکې منطقه ده او په سعودي کې د الغوار د تېلو له سیمې وروسته په نړۍ کې دویمه لویه تېل لرونکې سیمه ده.