د طالبانو حکومت د اوبو د چارو تنظیم لپاره یو پلاوی ټاکلی
د عکس سرچینه، GMIC
د طالبانو حکومت د اوبو د چارو د تنظیم لپاره یو پلاوی ټاکلی چې په سر کې یې د طالبانو د رییس الوزرا اداري اداري مرستیال عبدالسلام حنفي دی.
د طالبانو اړوندو رسنیو په یوه خبرپاڼه کې راغلي، چې د طالبانو حکومت د مالیې، اوبو او انرژۍ، ښار او مسکن جوړونې وزیرانو او د ځینو نورو وزارتونو د مرستیالانو په حضور کې غونډه وشوه.
په کابل کې د څښاک پاکو اوبو ته لاسرسی له پخوا یوه ستونزه وه، چې تېر ژمی ډېره جدي شوه او اوړی هم خلک د پاکو اوبو موندلو کې له ستونزو سره لاس او ګرېوان وو.
طالبانو دا پلاوی داسې مهال ګومارلی چې د افغانستان په شمال قوش تپه کانال پروژې لومړی پړاو په بشپړېدو دی، خو د کانال څو کیلومترۍ کې د شاوخوا ځمکو ملکیت پر یوه لانجمنه مسله بدل شوی.
طالبانو لا تر اوسه ددې پروژې په باب د نوي ټاکل شوي پلاوي د واکونو په اړه نور جزییات نه دي ورکړي.
د قوش تپې کانال پروژې د اوبو لېږد په افغانستان کې د اوبو د لېږد له یوې لویې پروژې امو سیند نه پیلېږي چې کابو اوه زره کسان پکې په کار بوخت دي. وړاندې د اړوندې پروژې چارواکو ویلي وو چې د سږ کال تر چنګاښ/سرطان میاشتې به یې د لومړي پړاو کار بشپړ شي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
ویل شوي چې د قوش تپې کانال له بشپړېدو سره به ۵۵۰ زره هکتاره ځمکه په بلخ، جوزجان او فاریاب ولایتونو کې خړوبه شي. د دې پروژې د لومړي فاز بودیجه اته اعشاریه ۲ میلیارده افغانۍ (۱٫۲ میلیون) ډالره ده.
طالبانو د اوبو د چارو تنظیم ته داسې مهال پلاوی ټاکلی، چې افغانستان ته د ازبکستان یو جګپوړی پلاوی افغانستان ته تللی چې د ترانزیت او اقتصادي همکاریو په برخه کې له یو بل سره تجربې شریکې کړي.
دغه پلاوی تېره ورځ تورخم ته تللی و چې منځنۍ اسیا ته د افغانستان ترانزیتي لارې جاج واخلي.
د طالبانو حکومت د کرنې او مالدارۍ وزارت د ازبکستان له ځانګړي استازي عصمت الله ارګاشیف او د دغه هېواد د اوبو لګولو وزیر له لومړي مرستیال عظیم جان نظروف او کابل کې د ازبکستان له سفیر سره کتلي.
ازبکستاني پلاوي د طالبانو د کرنې له وزیر عطاءالله عمري سره ناسته کې ژمنه کړې چې د کرنې بېلابېلو برخو کې به همکاري کوي او د قوش تپې کانال د کارونو پرمختګ کې له "تاسو سره همکاري کولو شو."
