د روژې د پیل په اړه ولې اختلاف وي؟

د رمضان (روژه) میاشت د قمري کال نهمه میاشت ده، خو د نوې هجري میاشتې د پیل په وخت کې تل اختلاف رامنځته کېږي، ځکه چې اسلامي هېوادونه د میاشتې د لیدلو لپاره بېلابېلې طریقې کاروي.

ځینې هېوادونه یو ثابت قمري کلیز تعقیبوي چې د نجومي حسابونو پر بنسټ ولاړ وي او حتمي نه ده چې د میاشت دې په سترګو وویني. نور هېوادونه بیا د نجومي حسابونو له لارې د نوې میاشتې (سپوږمۍ) د لیدو اعلان کوي. خو د مسلمانانو ډېری برخه یوازې هغه وخت د نوې میاشتې پیل لمانځي چې په اسمان کې ښکاره میاشت په سترګو وویني.