نايجريا کې د اسونو پرېډ

د نايجريا په دوتسي ښار کې د دربارپه نامه مراسمو کې د ټوپکو ډزې، رنګه جامې او په لوړ اواز غږېدونکې موسيقي دې ښار ته ژوند وربښي.

دا څو ورځنی پرېډ یا ننداره د روژې د پايته رسېدو او د کوچني اختر په مناسبت ترسره کېږي.

دوديز اسلامي مشران چې اميران بلل کېږي له خپلو سيمو په يوه ستر کاروان کې پر اسونو سپاره تېرېږي.

د دوشنبې په ورځ د دوتسي امير هميم سنوسي پر يوه سپين اس سپور او يوه ښکلې چترۍ يې پر سر وه.

امير د اې اېف پي خبري اژانس ته ويلي چې دا فېسټيوال د نايجريا غني دود او کلتور نندارې ته وړاندې کوي.

د ملګرو ملتونو د کلتوري سازمان په وينا، دربار د اس ځغلونې نندارتون او د خلکو د کلتوري ميراث يو ځلاند انعکاس دی.

شاهي ښکارچیانو د امیر د راتګ په وياړ د ټوبکو ډزې کولې

د دوتسي تر څنګ په نورو سيمو کې چې ډېری وګړي يې مسلمانان دي د دربار مراسم تر سره کېږي. دا لړۍ له سګلونو کلونو راهيسې روانه ده.

په دې کې يوازې اسان نه، بلکې اوښان هم په کې وو

د دربار مراسم څو ورځې دوام کوي.