عبدالصمد روحاني له لښکرگاه څخه

	هلمند کې د ناټو سرتېرو وياند وايي په سنګين ولسوالۍ كې يې هېڅ ډول پوځي عمليات نه دي كړي .

د اميرداد محمد په نوم دولسي جرګې دغه غړي د ولسي وګړو ترڅنګ د وسله والو طالبانو د وژل كېدو خبره هم كوي .

په هلمندولايت كې د برتانوي ځواكونو يوه وياند په سنګين كې د جګړې خبرنه تائيدوي .

په ولسي جرګه كې د هلمندولايت يوه استازى امير دادمحمد دسنګين په ولسوالۍ كې د بهرنيو ځواكونو په هوايي بمبارۍ كې دګڼو ولسي وګړو د وژل كېدو خبر وركړ .

هغه وايي چې دغه بمبارۍ د سنگين ولسوالۍ په مالموند چينه سيمه كې پريوه كلي شوي چې په پايله كې يې د ولسي وګړو ترڅنګ وسله والو طالبانوته هم مرګ ژوبله اړولې ده .

بل پلو يو شمېركسان چې ځانونه دتېليفون پرليكه دسنګين ولسوالۍ ځايي خلك راپېژني، هم د ناټوځواكونو په بمباريو كې د ولسي وګړو د وژل كېدو خبره كوي .

خو په هلمندولايت كې د ناټوځواكونو يوه وياند په سنګين ولسوالۍ كې د خپل لوري پوځي عمليات ردكړل .

هغه وويل چې سرتېرو يې په سنګين ولسوالۍ كې هېڅ ډول پوځي عمليات نه دي كړي .

وسله وال طالبان هم وايي چې په سنګين ولسوالۍ كې تېره ورځ (سې شنبې د مارچ ١٨) د ناټوځواكونو په بمباريو كې په لسګونو ولسي وګړي وژل شوي دي .

خو طالبان دخپل لوري مرګ ژوبله نه مني .

سنګين د سوېلي هلمند ولايت يو له هغو ناكراره ولسواليو څخه بلل كيږي، چې ددغه سيمي په سلګونو ځايي خلك له خپلو كورونو څخه د جګړو له كبله بې ځايه شوي دي .