عبدالصمد روحاني لښکرگاه څخه

	وسله وال طالبان وايي چې گاډي دوى سوځولي اوادعاكوي چې سنگين ولسوالۍ کې بهرنيوځواکونو ته توکي پکې وړل کېدل .

وسله وال طالبان وايي چې په دغه گاډوکې سنګين ولسوالۍ ته د ناټوځواكونو لپاره خوراكي توكي وړل كېدل، خوناټو وايي په دې گاډو كې بارتوكي ددوى نه بلكې د ولسي وګړو وو .

بل پلو ددغه ولايت په كجكي ولسوالۍ كې ځايي خلك وايي چې له تېرو دوو ورځو راپه دېخوا سختې جګړې روانې دي .

ځايي خلك پكې د ولسي وګړو د وژل كېدو خبره هم كوي، خو چارواكي يې په اړه څه نه وايي .

د ناټوځواكونو يوتن وياند سايمن مېلر بي بي سي ته وويل چې پردغه موټرونو باندې پنځو تنو موټرسايكل سپرو وسله والو بريد وكړ .

وسله وال طالبان وايي چې موټرونه ددوى لخوا سوځول شوي دي اوادعاكوي چې په دغو گاډو كې بار توكي په سنګين ولسوالۍ كې بهرنيو ځواكونو ته وړل كېدل .

خو ناټو وايي چې په دغو گاډو كې بارخوراكي توكي د ولسي وګړو ول او په دوى پورې يې هېڅ اړه نه لرله .

له دې ووړاندې هم په سنګين او ګرشک ولسواليو کې بهرنيو ځواکونو ته اکمالاتي توکي وړونکي زيات شمېر موټر سوځول شوي دي .

بل پلو د هلمند د كجكي ولسوالۍ ځايي خلك وايي چې تېرې دوې ورځې يې د ولسوالۍ ډېرې برخې د سختو جګړو او نښتو شاهدې دي .

ولسي خلك ادعاكوي چې په دغو جګړوكې ډېر زيان ولسي وګړو ته اوښتى دى .

ناټوځواكونه كه څه هم تېرې دوې ورځې ددغو عملياتو په اړه له خبريالانو سره غږېدل، خواوس هېڅ نه وايي .

وسله وال طالبان مني چې په كجكي ولسوالۍ كې تېرې دوې ورځې له نړيوالو ځواكونو سره په جګړه كې ښكېل ول .

وسه وال طالبان په دغه جګړه كې نړيوالوځواكونو ته ددرنې مرګ ژوبلې د اړولو ادعا هم كوي .

په لوېديځ ولايت هرات كې بيا د يوې چاودنې له امله درې تنه پوليس ټپيان شويدي .

دغه چاودنه چې دپوليسو په يوه پوسته كې رامنځته شوې لامل يې څرګند نه دى .