جعفر هاند له کابله

	د ملي راډيو ټلويزيون تر خپرونو وړاندې د اريانا په نامۀ خصوصي شرکت امريکا او اروپا ته خپرونې لرلې

د افغان چارواکو په وينا که څه هم د افغانستان ملي تلويزون يادو شوو هيوادونو ته له پخوا خپلې ازمايښتي خپرونې پيل کړي خو د روانې اونۍ په پاى کې اصلي خپرونې هم پيلوي .

وړاندې دافغانستان ملي راډيو تلويزون له هيواد څخه د باندې يوازې په اسيايي هيوادونو کې ١٨ ساعته خپرونې درلودي.

افغان دولت داسې مهال په اروپا او امريکا کې د افغانستان د ملي تلويزون د خپرونو د خپريدو خبر ورکوي چې په دغه هيواد کې د گوتو په شمير شخصي تلويزونې چاينلونو اسيا،اروپا او امريکايي هيوادونو ته خپرونې درلودې .

چارواکي وايي د دغه هيواد ملي تلويزون به په رسمي بڼه خپلې خپرونې د روانې پنجشني په ورځ د سپوږمکۍ پرمټ اروپايي او امريکايي هيوادونو لپاره پيل کړي.

د اطلاعاتو کلتور وزارت سلاکار نجيب منلي په دې اړه داسې وويل
(د ملي تلويزون خپرونې به په راتلونکې څو ورځو کې د سپوږمکۍ پرمټ امريکا او اروپاته خپلي خپرونې پيل کړي او دليدو وړ وگرځي.
د تلويزون د خپرونو د خپريدو پر چارو شاوخوا ٥٠٠ زره امريکايي ډالره لگښت راغلى چې د اطلاعاتو کلتور وزارت د پراختيايي مالي بوديجې څخه ورکول کيږي.)

چاروکي وايي د تلويزون رواني ١٨ ساعته خپرونې به په نژدې راتلونکې کې ٢٤ ساعتونو ته وغځوي.

د دې کار په ترسره کولو به دا لومړى ځل وي چې د افغانستان ملي تلويزون اروپايي او امريکايي هيوادونو ته خپرونې ولري