حنان حبيبزى له کابله

	د پوليسو په جامو کې دوسله والو غلا غديو ترسره کيدل -د کابل د امنيتي چارواکو په وړاندې د يو نوي سرخوږي په توگه راڅرگند شوي دي.

د کابل د پوليسو قومندان وايي ناقانونه امنيتي شرکتونه او په بازار کې د پوليسو جامو ناقانونه خرڅلاو په کابل کې د ناامنۍ د ډيريدو لامل گرځيدلى دى.

په کابل کې دا نوې پيښه نه ده له دې وړاندې هم له ناقانونه وسله والو ډلو سره تړلي کسان د ټيکاو د له منځه وړلو په تور نيول کيږي .

د پوليسو په جامو کې دوسله والو غلا غديو ترسره کيدل -د کابل د امنيتي چارواکو په وړاندې د يو نوي سرخوږي په توگه راڅرگند شوي دي.

دکابل امنيه قومندان جنرال محمد سالم احساس په ښار کې د پوليسو د جامو ناقانونه کارولو په وړاندې ديو لړ نو گامونو د پورته کولو خبر ورکړ:

(( موږ خپل ټولو کسانو ته دلايحې له مخې کوډ نمبر-نوم-دنده اود اړوندې قطعې نوم به يې د جيب پر سر ولگول شي.

او ټولو ته کارتونه ورکړل شوي دي چې دوى به يې له مخې وپيژندل شي. هغه کسان چې د پوليسو او نورو امنيتي څانگو له جامو څخه ناقانونه کار اخلي دا يو جرم دى او هغه کسان به هم ونيول شي.

موږ باور لرو چې بيا به څوک د پوليسو له جامو گټه پورته نه کړي.)).

ده ىو لړ ناقانونه امنيتي شرکتونه چې دفعاليت جواز نه لري هم په دې غلا غديو کې ښکيل وبلل .

خو ده ټينگار وکړ چې پوليسويې د مخنيوي لپاره ځانگړى چمتو والى نيولى دى.

د کابل د پوليسو مشر دغه نژدې ٣٥ تنه ناقانونه وسله وال چې په کابل کې د غلا غديو او سړي تښتونو په تور نيول شوي دي -کوچنيو جنايي ډلو سره تړي وبلل .

دکابل پوليس وايي په په دې ښارکې د غلا غديو او سړي تښتونو د مخنيوي ترڅنگ دوى په دې هڅو بوخت دي چې د هغو کسانو مخه هم ونيسي چې دترهگرو فعاليتونودترسره کولو شک پرې کيږي.

که څه هم په تيرو څو اونيو کې د کابل ښار ارامه دى خود روزې په مياشت کې ترسره شوڅو پرله پسې ځانمرگو بريدونو د پلازمينې د اوسيدونکو ترمنځ امنيتي انديښنې ډيرې کړي دي.