عبدالمالک عاصم له کابله

	دا لومړى ځل دى چې د کابل په هواىى ډگر کې موټر بم بريد تر سره شوى دى .

خو د بلجيم د دفاع وزارت د يوې وينا په خپرولو سره ويلي دي چې په دې بريد کې ددوى ٤ تنه سرتيري هم ټپيان شوي دي .

د بلجيم د هيواد سرتيري دکابل د هوايي ډگر د هغې دروازې د امنيت چارې په غاړه لري چې د نړيوالو سوله ساتو ځواکونو مرکز ته ورځي .

خو امنيتي چارواکي وايي چې په بريد کې بهرنيو ځواکونو ته کوم زيان نه دى اوښتى .

دا لومړى ځل دى چې يو ځان مرگى خپل موټر بمب دکابل هوايي ډگر د نړيوالو سرتيرو دروازې ته څېرمه الوزوي او موخه يې بهرني ځواکونه و.

خو دکابل د جنايي جرمونو سره دمبارزې مشر جنرال عليشا پکتيا وال وايي چې په بريد کې بهرنيو سر تيرو ته کوم زيان نه دى او ښتى .

(( يو ملکي وژل شوى او درې نور ټپيان دي . بريد په يوه کرولا موټر کې شوى .))

دکابل په هوايي ډگرکې ميشت نړيوال سرتيري د هوايي ډگر د ختيځ دغه دروازه کاروي چې تر ډيره بريده يوه گوښه سيمه بلل کيږي .

بلخوا د طالبانو يوه وياند ذبيح الله مجاهد ويلي چې ځان مرگى افغان او د ننگر هار اوسېدونکي و ده ادعا وکړه چې په دغه بريد کې يو شمير بهرني سرتيري وژل شوي هم دي .