ميرويس افغان ،حنان حبيبزى افغانستان

	په ٢٠٠١ لومړي کال کې چې دامريکايي ځواکونو هوايي او ځمکنيو بريدونو په افغانستان کې د طالبانو واکمني نسکوره کړه ،لاهم دا هيواد د مرگونو او خونړيو ورځو شپو شاهد دى .

عيني شاهدانو وويل چې د ټپيانو ترمنځ ښځې او ماشومان هم شته دي خو چارواکو يې په بشپړ ډول پخلى نه دى کړى .

پوليسو او عيني شاهدانو بي بي سي ته وويل چې د کندهار په لويديځ کې دهرات په لويه لار يو ځانمرگي بريد کونکي هغه مهال ځان والوزاو چې امريکايي پوځونوته مرسته رسونکى کاروان له سيمې تيريده .

د پيښې په سيمه کې هغو ملکي خلکو ته ځاني زيان واوښت چې د پلي تگ راتگ په حال کې وو .

ډاکټرانو انديښنه ښودلې چې دټپيانو حالت خراب دى او ښايي د مړينې کچه ډيره شي .

روان کال د افغانستان په سوېل او نورو هغه سيمو کې چې دطالبانو په وړاندې په کې جگړه روانه ده تربل هر کال زيات مرگونى او خونړى دى .

په ٢٠٠١ لومړي کال کې چې دامريکايي ځواکونو هوايي او ځمکنيو بريدونو په افغانستان کې د طالبانو واکمني نسکوره کړه ،لاهم دا هيواد د مرگونو او خونړيو ورځو شپو شاهد دى .

په دوه ورځو کې د کندهار خلکو ته دوه خونړيو ځانمرگو بريدونو مرگ ژوبله واړوله .

پرون د جمعې له لمانځه څخه لږ وړاندې د ژيړۍ ولسوال سره له درې ماشومانو د يو ځانمرگي بريد په ترڅ کې ووژل شول .

ولسوال د جمعې د لمانځه لپاره د اوداسه په حال کې وو چې د چارواکو په وينا ځانمرگي بريد کونکي ځان ورنژدې کړ اود چاودونکو توکو ډک اغوستى واسکټ يې يې وچاوديد.

د افغانستان سوېلي ولايتونه چې د پاکستان له پولې سره څيرمه پراته دي دزرگونو افغان او نړيوال سرتيري په کې شتون لري چې له ملکي خلکو سره مرسته وکړي .

افغان پوځ او ناټو وايي چې دوى دطالبانو او نورو اورپکو ډلو د بريدونو د مخنيوي هڅه کوي .

د همدې لپاره په زرگونو برتانوي او امريکايي ځواکونه له افغان هغو سره دکندهار، هلمند او په څيرمه ولايتونو کې دطالبانو په وړاندې په مخامخ نښته کې ښکيل دي .

خو په نژدې راتلونکي کې د ډاډمن امنيت د ټينگيدو هيلې پر نهيلۍ اوښتي دي اوپه دې هڅه کې دنړيوالې ټولنې او افغان دولت د پاتې راتلو د نښې په توگه څرگنديږي .