بي بي سي پښتوټکى کام له کابله

	توره بوره د پاکستان له پولې سره څيرمه هغه سمڅه ده چې د طالبانو له ماتې وروسته د القاعدې د تښتيدلي مشر اسامه بن لادن د پټنځي په توگه مشهوره شوه

دوى د تورې بورې په سيمه کې ځمکنى او هوايي يرغل پيل کړى دى چې د پاکستان له پولې سره نژدې پرته ده .

دننگرهار په ولايت کې دغه سيمه هغه وخت ډيره مشهوره شوه چې د امريکا پوځ د طالبانو له ماتې وروسته د القاعدې د تښتيدلي مشر د اډې په توگه وپيژندله .

د امريکا په مشرۍ د پوځ يوې وياندې وويل چې دغرنيو سيمو چاپيريال د اورپکو لپاره دپټو مرکزونو وروستۍ هيله ده .

توره بوره هغه ځاى دى چې په ٢٠٠١ کال کې د اسامه بن لادن د نيولو امريکايي پوځي عمليات په کې له ناکامه شوي وو .

ډيرو کورنيو د جگړو له کبله سيمه پريښوده . راپورونه وايي چې د وروستيو جگړو له کبله ډيرې کورنۍ د خپلو کورونو پريښودو ته اړوتلې .

د امريکا د پوځ يوې وياندې تورن وينيسا بومن وويل چې يرغل دنښه شو سيمو په وړاندي پيل شوى دى .

دې وويل دغه سيمې داسې ځايونه دي چې ددښمن د پټېدو او ملاتړلپاره وړ چاپيريال رامنځته کوي ،او همدا راز دوى د سيمې په دواړو غاړو کې له دغسې ځايونو څخه پر سپيڅلو ملکي خلکو بريدونه کوي .

خو دې دا ونه ويل چې دغه عمليات به تر کوم وخته پورې روان پاتې شي .

توره بوره يوه سمڅه ده چې په افغانستان کې د القاعدې دځواکمنې اډې په توگه نوم لري .