تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
چین خپلو وګړو ته خبرداری ورکړی، له اجازې پرته دې افغانستان کې کان کېندنې ته زړه نه ښه کوي
په افغانستان کې د چین سفارت پرون جمعه چینايی شرکتونو او چینايي وګړو ته خبرداری ورکړی چې په پټو سترګو او له رسمي اجازې پرته دې د افغانستان د کانونو برخه د پلټنې په موخه دغه هېواد ته سفر نه کوي.
سفارت په یوه بیان کې ویلي چې د طالبانو د حکومت د کاونو او پټرولیم وزارت د کانونو برخه کې د پلټنې جواز تر لاسه کولو لپاره ډېر سخت شرطونه ايښي دي.
په افغانستان کې د چین د سفارت لخوا په دې خپاره شوي بیان کې راغلي چې که هر څوک او یا هر شرکت له اجازې پرته د کانونو د پلټنې چاره ترسره کړي ښايي د نیولو له خطر سره مخامخ شي.
دې بیان کې چې د سفارت پر ویپاڼې خپور شوی دغه راز ویل شوي چې همدا اوس د افغانستان په بېلابېلو سیمو کې یو شمېر داسې بهرنیان نیول شوي چې د فعالیت جواز یې نه درلود.
بیان زیاتوي چې د طالبانو د حکومت د کاونو او پټرولیم وزارت د کانونو برخه کې د پلټنې جواز تر لاسه کولو لپاره ډېر سخت شرطونه ايښي دي.
افغانستان ډېرې طبیعي زېرمې لري. په ۲۰۱۰ کال کې د امریکا د ځمک پیژندنې بنسټ د اټکل له مخې افغانستان کې د مسو، سرو زرو، لېتیمو او نورو فلزاتو زیرمې شته چې نړۍ کې کم موندل کېږي.
د دې ارزونې له مخې هغه مهال د دې زیرمو ارزښت له یو تریلیون نه تر درې تریلیون ډالرو اټکل شوی وو او دا چې اوس یې ارزښت اوس څومره دی په دې اړه تازه او کره معلومات نشته.
د چین د سفارت لخوا چینايي شرکتونو او چینایانو ته افغانستان ته د سفر نه کولو خبرداری په داسې مهال ورکړل شوی چې په دې وروستیو ورځو کې فایننشل ټایمز ورځپاڼې رپوټ ورکړی چې وو چې یو شمېر چینايي شرکتونه افغانستان کې د لیتیمو او مسو د زېرمنو لټون کوي.
ویل شوی چې افغانسستان کې د لېتیمو پراخې زیرمې شته چې تراوسه لاس نه در وروړل شوی. لېتیمو ته چې د برېښنايي موټرو په بطریو کې کارول کېږي اوس مهال نړۍ کې ډېره اړتیا ده.
چینايي کلوبل ټایمز ورځپاڼې هم ان د تېر نومبر په میاشت کې رپوټ ورکړی و چې یو شمېر چینايي شرکتونه په ځانګړو ویزو افغانستان ته تللي چې دغلته د لیتیمو د زیرمو لټون وکړي.
بلخوا د رویټرز خبري آژانس د رپوټ له مخې لوېدیځوالو کان کېدونکو ویلي چې په افغانستان کې د حکومت بدلون ښايي د افغانستان د کانونو په برخه کې پانګونې ته د نړیوالو لېوالتیا کمه کړي، خو چین چې د طبعي زیرمو یو لوی کارونکی هېواد دی د افغانستان په ګډون په ګڼو هېوادونو کې د کانونو په برخه کې پانګونې کړې دي.
